സംസ്ഥാനത്ത് ഇന്ന് കൂടുതൽ കോവിഡ് കേസുകൾ കൊല്ലത്ത്; ആറുപേരും വിദേശത്തുനിന്ന് വന്നവർ

മെയ് 16 ന് അബുദാബിയിൽ നിന്നും തിരുവനന്തപുരത്തെത്തിയ IX 538 ആം നമ്പർ വിമാനത്തിലെ യാത്രക്കാരാണ് കൊല്ലം ജില്ലയിൽ ഇന്ന് രോഗം സ്ഥിരീകരിച്ച ആറുപേരും. ജില്ലയിലുള്ള മൂന്നുപേരും പാരിപ്പള്ളി കോളജിൽ ചികിത്സയിലാണ്. തൃക്കരുവ അഷ്ടമുടി സ്വദേശിയായ 30 വയസ്സുകാരൻ, ചന്ദനത്തോപ്പ് കുഴിയം സ്വദേശിയായ 40 വയസുകാരൻ, ചിറക്കര പുത്തൻകുളം സ്വദേശിയായ 42 വയസ്സുകാരൻ എന്നിവരാണ് പാരിപ്പള്ളി മെഡിക്കൽ കോളേജിൽ ഉള്ളത്. ഇവർ മൂന്നുപേർക്കും ആയി ഒറ്റ റൂട്ട്മാപ്പ് ആണ് ജില്ലാഭരണകൂടം പുറത്തുവിട്ടിരിക്കുന്നത്.

advertisement

മെയ് 16ന് തിരുവനന്തപുരം വിമാനത്താവളത്തിലെത്തിയ ഇവർ നേരെ കൊട്ടാരക്കരയിലെ സ്ഥാപന നിരീക്ഷണത്തിൽ പോവുകയായിരുന്നു. രോഗം സ്ഥിരീകരിച്ച ഉടൻ ഇവരെ പാരിപ്പള്ളി മെഡിക്കൽ കോളജിലേക്കു മാറ്റി.

പത്തനാപുരം പിടവൂർ സ്വദേശിയായ 44 വയസുകാരൻ, എഴുകോൺ ഇരുമ്പനങ്ങാട് സ്വദേശിയായ 40 വയസുകാരൻ, പാരിപ്പള്ളി ചാവർകോട് സ്വദേശിയായ 57 വയസുകാരൻ എന്നിവരാണ് തിരുവനന്തപുരം ജനറൽ ആശുപത്രിയിൽ ചികിത്സയിലുള്ളത്.

TRENDING:News18 Impact: അതിര്‍ത്തിക്കപ്പുറമിപ്പുറം നിന്ന വധൂവരന്മാര്‍ക്ക് മണിക്കൂറുകള്‍ക്ക് ശേഷം മാംഗല്യം [NEWS]ഇന്ത്യൻ വംശജയായ 10 വയസുകാരിക്ക് ട്രംപിന്റെ ആദരവ് [NEWS]കമ്മ്യൂണിസ്റ്റ് പച്ച ഉണക്കിപ്പൊടിച്ച് 'കഞ്ചാവാ'ക്കി നൽകി; കാശുപോയവർ യുവാവിനെ തട്ടിക്കൊണ്ടുപോയി; നാലുലക്ഷം മോചനദ്രവ്യം ആവശ്യപ്പെട്ടു [NEWS]

അതേസമയം ഇന്നലെ ആരോഗ്യപ്രവർത്തകയ്ക്ക് രോഗം സ്ഥിരീകരിച്ചകല്ലുവാതുക്കൽ പഞ്ചായത്തിനെ ഹോട്ട്സ്പോട്ട് പട്ടികയിൽ ഉൾപ്പെടുത്തി.

പാരിപ്പള്ളി മെഡിക്കൽ കോളജിൽ ചികിത്സയിലുള്ള നാലുപേർ ഉൾപ്പെടെ 8 രോഗികളാണ് നിലവിൽ ജില്ലയിൽ ഉള്ളത്.