ഓഫീസ് തുറക്കുവാനായി പഞ്ചായത്തിലേക്ക് എത്തിയതായിരുന്നു മനോജ്. ഓഫീസ് തുറന്ന് മനോജ് അകത്തുകയറിയതിന് പിന്നാലെ സമരക്കാർ ഇവിടെയെത്തുകയും പോലീസിനെ മറികടന്നെത്തി മനോജിനെ മർദിക്കുകയുമായിരുന്നു.
നാൽപ്പതിലധികം പേരാണ് ഓഫീസിലേക്ക് എത്തിയത്. ഓഫീസിനകത്തേക്ക് കയറിയ സമരക്കാർ മനോജിനെ നിലത്തിട്ട് ചവിട്ടുകയായിരുന്നു. ഇതിലാണ് മനോജിന് മൂക്കിന് പരിക്കേറ്റത്. മൂക്കിനേറ്റ പരിക്കിന് പുറമെ തലയിലും മറ്റ് ശരീരഭാഗങ്ങളിലും മനോജിന് പരിക്കേറ്റു. പോലീസ് ഇടപെട്ടാണ് മനോജിനെ ആശുപത്രിയിലേക്ക് എത്തിച്ചത്.
advertisement
മനോജിന് മർദനമേറ്റതറിഞ്ഞ് സ്ഥലത്തേക്ക് പ്രതിഷേധവമായി ചില ബിജെപി പ്രവർത്തകർ എത്തിയിരുന്നു ഇവർക്കും മർദനമേറ്റതായാണ് വിവരം. സംഭവുമായി ബന്ധപ്പെട്ട് കണ്ടാലറിയാവുന്ന കുറച്ച് പേർക്കെതിരെ പോലീസ് കേസ് എടുത്തിട്ടുണ്ട്.
Nationwide Strike| സർക്കാർ ഉദ്യോഗസ്ഥർ പണിമുടക്കിൽ പങ്കെടുക്കുന്നത് നിയമവിരുദ്ധമെന്ന് ഹൈക്കോടതി; സർക്കാർ ഇന്നുതന്നെ ഉത്തരവിറക്കണം
കൊച്ചി: സർക്കാർ ഉദ്യോഗസ്ഥർ (Government Staffs) പണിമുടക്കിൽ പങ്കെടുക്കുന്നത് നിയമവിരുദ്ധമെന്ന് കേരള ഹൈക്കോടതി (Kerala High Court). സർക്കാർ ജീവനക്കാർ പണിമുടക്കുന്നത് വിലക്കി സർക്കാർ ഇന്നുതന്നെ ഉത്തരവ് ഇറക്കണമെന്നും കോടതി ആവശ്യപ്പെട്ടു. പണിമുടക്കുന്ന സർക്കാർ ജീവനക്കാർക്കെതിരെ നടപടിയെടുക്കാത്തതിൽ കോടതി അതൃപ്തി രേഖപ്പെടുത്തി. സർക്കാർ ഉദ്യോഗസ്ഥർ പണിമുടക്കരുതെന്നും കോടതി ചൂണ്ടിക്കാട്ടി. പണിമുടക്ക് ചോദ്യം ചെയ്തുള്ള ഹർജിയിൽ ചീഫ് ജസ്റ്റിസ് അധ്യക്ഷനായ ബെഞ്ചിന്റേതാണ് ഉത്തരവ്.
സർക്കാർ ഉദ്യോഗസ്ഥർ പണിമുടക്കിൽ പങ്കെടുക്കുന്നത് വിലക്കി ഇന്ന് തന്നെ സർക്കാർ ഉത്തരവിറക്കണമെന്ന് ചീഫ് ജസ്റ്റിസ് എസ് മണികുമാർ ഉൾപ്പെട്ട ഡിവിഷൻ ബെഞ്ചാണ് നിർദേശിച്ചത്. സർക്കാർ ഉദ്യോഗസ്ഥർ പണിമുടക്കിൽ പങ്കെടുക്കുന്നത് നിയമവിരുദ്ധമാണെന്നും കോടതി വ്യക്തമാക്കി.
Also read- Nationwide Strike | ഉച്ചത്തിൽ മുദ്രാവാക്യം വിളിച്ചു; പണിമുടക്കിനിടെ സിപിഎം - സിപിഐ സംഘർഷം, കല്ലേറ്
സർക്കാർ ജീവനക്കാർ പണിമുടക്കിൽ പങ്കെടുക്കരുതെന്ന് ജീവനക്കാരുടെ സർവീസ് ചട്ടങ്ങളിൽ വ്യക്തമാക്കിയിട്ടുണ്ട്. എന്നിട്ടും ജീവനക്കാർ പണിമുടക്കിൽ പങ്കെടുക്കുന്നത് തടയാൻ സർക്കാർ ഒരു നടപടിയും സ്വീകരിച്ചിട്ടില്ല. ഇത് ശരിയായ രീതിയല്ലെന്നും കോടതി വിമർശിച്ചു. തുടർന്നാണ് സർക്കാർ ജീവനക്കാർ പണിമുടക്കിൽ പങ്കെടുക്കുന്നത് തടഞ്ഞുകൊണ്ട് അടിയന്തരമായി ഇന്നു തന്നെ ഉത്തരവിറക്കാൻ സർക്കാരിന് നിർദേശം നൽകിയത്.