പുരുഷന്മാരേക്കാൾ കൂടുതൽ സ്ത്രീകൾ ചിരിക്കാ൯ നിരവധി കാരണങ്ങളാണ് ഗവേഷകർ പറയുന്നത്. പുരുഷന്മാരെ അപേക്ഷിച്ച് സ്ത്രീകൾ തങ്ങളുടെ വികാരങ്ങൾ കൂടുതലായി പ്രകടിപ്പിക്കുന്നവരാണ്. അവരിൽ സഹാനുഭൂതി കൂടുതലും പെട്ടെന്ന് വികാരഭരിതരാവരുമാണ്. ജന്മനാ തന്നെ സ്ത്രീകളിൽ ചിരിക്കാനുള്ള കഴിവ് കൂടുതലാണത്രേ. വളരുന്തോറുമാണ് ഇത് കൂടുതൽ പ്രകടമാവുകയെന്ന് ഗവേഷകർ പറയുന്നു.
സമൂഹത്തിൽ പുരുഷന്മാർക്ക് തുല്യമായ ആധിപത്യം ഇല്ലാത്തതും സ്ത്രീകളുടെ ചിരിക്ക് കാരണമായി പറയുന്നുണ്ട്. അതേസമയം പ്രായം, സംസ്കാരം, വംശീയത തുടങ്ങിയ ഘടകങ്ങളും ചിരിയുടെ അളവ് നിശ്ചയിക്കുന്നതിൽ നിർണായകമാണ്. ഈ ഘടകങ്ങൾ മാറുന്നതിനനുസരിച്ച് ആളുകളിലെ ചിരിയുടെ അളവിലും മാറ്റങ്ങൾ സംഭവിക്കും സ്വാഭാവികമായും.
advertisement
You may also like:നിങ്ങളൊരു വിഷാദരോഗിയാണോ? അതറിയാൻ ഇനി രക്ത പരിശോധന മതി
സമൂഹത്തിൽ അധികാരം, തൊഴിൽ, സമൂഹ നേതൃത്വം എന്നീ മേഖലകളിൽ സ്ത്രീകൾക്ക് പുരുഷന്മാരുടേതിന് തുല്യമായ പങ്കാളിത്തം ലഭിക്കുകയാണെങ്കിൽ ചിരിയിലുമുള്ള ഈ വ്യത്യാസം ഇല്ലാതാവുമെന്ന് പഠനം പറയുന്നു. പ്രതിസന്ധി ഘട്ടങ്ങളിലും പ്രശ്നങ്ങൾ കുറക്കാ൯ വേണ്ടിയും, വേദനകൾ മറക്കാനും, സമാധാനം ഉറപ്പുവരുത്താനും സത്രീകൾ ചിരിക്കുമെന്നും ഗവേഷകർ പറയുന്നു.
You may also like:ഉറപ്പുള്ള മാറിടങ്ങൾക്ക് നിങ്ങൾ ദിവസവും ചെയ്യേണ്ട മൂന്ന് വ്യായാമങ്ങൾ ഇതാ
സ്ത്രീകളുടെ പുരുഷന്മാരുടെയും ഇടയിലെ ചിരി വ്യത്യാസം ചർച്ച ചെയ്യുമ്പോൾ കുറച്ചു കൂടി കാര്യങ്ങൾ പരിശോധിക്കണമെന്ന് തോന്നുന്നു. സ്ത്രീകൾ കൂടുതൽ ചിരിക്കുന്നുവെന്ന് കരുതി അവർ ജീവിതത്തിൽ പുരുഷന്മാരാക്കാൾ കൂടുതൽ സന്തോഷമുള്ളവരാണ് എന്ന് പറയാ൯ പറ്റില്ല. പല ഘടകങ്ങൾ കാരണമായി സ്ത്രീകൾ പുരുഷന്മാരേക്കാൾ കൂടുതൽ വികാരങ്ങൾ പ്രകടിപ്പിക്കുന്നവരാണ് എന്ന് മാത്രമേ ഇതിന് അർത്ഥമുള്ളൂ. ഇത് സ്ത്രീകളുടെ പ്രകൃതിയാണ്.
പുരുഷന്മാർ സ്ത്രീകളുടെ അത്ര ചിരിക്കാതിരിക്കാനും നിരവധി കാരണങ്ങളുണ്ട്. ചിരി, സങ്കടം, കരച്ചിൽ പോലുള്ള വികാരങ്ങൾ പ്രകടിപ്പിക്കുന്നതിൽ ആണുങ്ങളെ കുറിച്ച് സമൂഹത്തിൽ നിലനിൽക്കുന്ന ടാബൂവാണ് ഇതിൽ പ്രധാനം. പുരുഷന്മാരെയും തങ്ങളുടെ വികാരങ്ങൾ പ്രകടിപ്പിക്കാനും സത്യം പുറത്തു കാണിക്കാ൯ അവരെ പ്രേരിപ്പിക്കുകയും ചെയ്യൽ അത്യാവശ്യമാണ്. ചിരി എപ്പോഴും നല്ലതാണ്. വികാരങ്ങൾ മറച്ചു വെക്കുന്നതിന് പകരം കൃത്യമായി പ്രകടിപ്പിക്കൽ അത്യാവശ്യമാണ്.