• HOME
  • »
  • NEWS
  • »
  • life
  • »
  • HEALTH HOW YOU CAN PREVENT BREASTS FROM SAGGING WITH THREE SIMPLE EXERCISES GH

ഉറപ്പുള്ള മാറിടങ്ങൾക്ക് നിങ്ങൾ ദിവസവും ചെയ്യേണ്ട മൂന്ന് വ്യായാമങ്ങൾ ഇതാ

സ്തനങ്ങളുടെ ദൃഢത നിലനിർത്തുന്നതിന് ആർക്കും ദിവസവും വീട്ടിൽ ചെയ്യാവുന്ന ഈ വ്യായാമങ്ങളെക്കുറിച്ച് അറിയാം.

(Representative pic: Shutterstock)

(Representative pic: Shutterstock)

  • Share this:
    സെലിബ്രിറ്റി ഫിറ്റ്നസ് വിദഗ്ധയായ രുജുത ദിവേക്കർ അടുത്തിടെ ഒരു ഇൻസ്റ്റാഗ്രാം വീഡിയോ പോസ്റ്റ് ചെയ്തു. ഇതിൽ സ്ത്രീകളുടെ ആരോഗ്യത്തിൽ സ്തനങ്ങളുടെ പ്രാധാന്യത്തെക്കുറിച്ച് അവർ സംസാരിച്ചിരുന്നു. ഉറപ്പുള്ള സ്തനങ്ങൾക്കായി ജിമ്മിൽ പോകാതെ വീടുകളിൽ തന്നെ ചെയ്യാൻ പറ്റുന്ന മൂന്ന് വ്യായാമങ്ങളെക്കുറിച്ചും രുജുത ദിവേക്കർ വിശദീകരിച്ചു. സ്തനങ്ങളുടെ ദൃഢത നിലനിർത്തുന്നതിന് ആർക്കും ദിവസവും വീട്ടിൽ ചെയ്യാവുന്ന ഈ വ്യായാമങ്ങളെക്കുറിച്ച് അറിയാം.

    മിക്ക സ്ത്രീകളും ഒരു നിശ്ചിത പ്രായത്തിന് ശേഷം സ്തനങ്ങളുടെ ആകൃതിയെക്കുറിച്ചും ദൃഢതയെക്കുറിച്ചും കാര്യമായി ശ്രദ്ധിക്കാറില്ല. എന്നാൽ മാറിടങ്ങൾ ഉറപ്പോടെ നിലനിർത്തിയില്ലെങ്കിൽ കാലക്രമേണ കഴുത്ത് വേദന, തലവേദന, ദഹനക്കേട്, അസിഡിറ്റി, വിഷാദം എന്നിവയ്ക്ക് കാരണമാകുമെന്ന് ദിവേക്കർ മുന്നറിയിപ്പ് നൽകി. നടി കരീന കപൂറിന്റെ ന്യൂട്രീഷനിസ്റ്റ് വിദഗ്ധ കൂടിയാണ് ദിവേക്കർ.

    സ്തനങ്ങൾ ഇടിഞ്ഞ് തൂങ്ങുന്നത് തടയാനും ശരിയായ ആകൃതി നിലനിർത്താനും നെഞ്ചിലെയും പുറത്തെയും പേശികളെ ശക്തിപ്പെടുത്തേണ്ടത് വളരെ പ്രധാനമാണെന്ന് ഐ‌ജി‌ടി‌വിയിൽ ഈ ആരോഗ്യ വിദഗ്ദ്ധ സൂചിപ്പിക്കുന്നു.

    മാറിടത്തിന് ഉറപ്പ് നൽകുന്ന വ്യായാമങ്ങൾ

    ആദ്യ വ്യായാമത്തിൽ, സ്ത്രീകൾ ചുമലുകൾ വിടർത്തി നേരെ നിൽക്കണം. അടുത്ത ഘട്ടത്തിൽ നിങ്ങളുടെ വിരലുകൾ നിങ്ങളുടെ പിന്നിൽ ഇന്റർലോക്ക് ചെയ്യുക, തുടർന്ന് നിങ്ങളുടെ തോളുകൾ താഴേക്ക് വലിക്കുക. അവസാന ഘട്ടമായി നിങ്ങളുടെ നെഞ്ച് ഉയർത്തണം.

    രണ്ടാമത്തെ വ്യായാമത്തിൽ നിങ്ങൾ ആദ്യം ഭിത്തിയ്ക്ക് അഭിമുഖമായി നിൽക്കുക. നിങ്ങളുടെ രണ്ട് കൈപ്പത്തികളും നിങ്ങളുടെ നെഞ്ചിനോട് ചേർന്ന് ചുമരിൽ വയ്ക്കുക. തുടർന്ന് ചുവരിൽ നിന്ന് അല്പം പിന്നോട്ട് നീങ്ങുക. കൈപ്പത്തി ഉയർത്താതെ, നിങ്ങളുടെ ശരീരം മതിലിലേക്ക് തള്ളുക, അങ്ങനെ നിങ്ങളുടെ നെഞ്ച് ചുമരിൽ സ്പർശിക്കുന്നു. കൈമുട്ട് പൂർണ്ണമായും നീട്ടി ആരംഭ സ്ഥാനത്തേക്ക് പോകുക. ഈ വ്യായാമം സ്തന പേശികളെ ശക്തിപ്പെടുത്തും.

    മൂന്നാമത്തെ വ്യായാമത്തിന്, ഒരു വ്യക്തി രണ്ടാമത്തെ വ്യായാമം ചെയ്ത അതേ സ്ഥാനത്ത് നിൽക്കണം. മതിലിലേക്ക് നീങ്ങുക, നിങ്ങളുടെ ഉപ്പൂറ്റി ഉയർത്തുക. അടുത്ത ഘട്ടത്തിൽ, നിങ്ങളുടെ നെഞ്ച് ഉയർത്തി തോളുകൾ പിന്നോട്ടാക്കുക. കുറച്ച് നിമിഷങ്ങൾ ഈ സ്ഥാനത്ത് തുടരുക. തുടർന്ന് നെറ്റി ചുവരിൽ വയ്ക്കുക, യഥാർത്ഥ സ്ഥാനത്തേക്ക് മടങ്ങുക.

    വലിയ മാറിടങ്ങൾ ആഗ്രഹിക്കുന്നവർക്കും ചില വ്യായാമങ്ങൾ തെരഞ്ഞെടുക്കാവുന്നതാണ്. നെഞ്ച്, പുറം, തോൾ, ശരീരഭാരം എന്നിവ വർദ്ധിപ്പിക്കുന്നതിനുള്ള ചില വ്യായാമങ്ങൾ ഇതിനായി നിങ്ങൾക്ക് പരിഗണിക്കാം. എന്നാൽ പെട്ടെന്നുള്ള മാറ്റങ്ങൾ പ്രതീക്ഷിക്കരുത്. മികച്ച വ്യത്യാസം വളരെ പതുക്കെയാകും ദൃശ്യമാകുക. ശസ്ത്രക്രിയയിലൂടെ സ്തന വലുപ്പം വർദ്ധിപ്പിക്കുന്നതിനുള്ള ചില രീതി ഇപ്പോൾ കൂടുതൽ പേർ തെരഞ്ഞെടുക്കാറുണ്ട്. പക്ഷേ ഇത് ഗുരുതരമായ അണുബാധ പോലുള്ള അപകടസാധ്യതകൾക്ക് കാരണമാകാറുണ്ട്. പലപ്പോഴും, നിങ്ങളുടെ ശരീരത്തിന്റെ സ്വാഭാവിക ആകൃതിയും ഘടനയും മാറ്റുന്നതിലൂടെ ഉണ്ടാകുന്ന അപകടം വളരെ വലുതായിരിക്കാം.
    Published by:Rajesh V
    First published:
    )}