യുസി ബ്രൗസർ നിരോധിച്ചത് എന്തുകൊണ്ട്?
വ്യക്തികളുടെയും സ്ഥാപനങ്ങളുടെയും വിവരങ്ങൾ ചോർത്തുന്നുവെന്നതുകൊണ്ടാണ് യുസി ബ്രൗസറിനെ നിരോധിച്ചത്. ഹാക്കർമാർക്ക് നിരവധി പഴുതുകൾ നൽകുന്നുവെന്നതാണ് പ്രധാന ആരോപണം. ഉപഭോക്താവിന്റെ ഫോണിന്റെ ഐഎംഇഐ നമ്പ‌ർ അടക്കമുള്ള വിവരങ്ങൾ യുസി ചോ‌ർത്തുന്നുവെന്ന് നേരത്തെ കണ്ടെത്തിയിരുന്നു. യൂസ‌ർ ഡ‍ാറ്റ ചൈനീസ് സ‌ർവറുകളിലേക്ക് അയക്കുന്നുവെന്ന ആരോപണത്തിൽ ആപ്പിനെ കുറിച്ച് ഐടി മന്ത്രാലയം അന്വേഷണം നടത്തിവരികയായിരുന്നു.
എന്താണ് യുസി ബ്രൗസർ?
ഗൂഗിൾ ക്രോം അടക്കി ഭരിക്കുന്ന മൊബൈൽ ബ്രൗസർ രംഗത്ത് രണ്ടാം സ്ഥാനക്കാരനാണ് യുസി. ആലി ബാബ ഗ്രൂപ്പിന്റെ ഉത്പന്നമാണ് യുസിക്ക് 1.3 കോടി ഉപഭോക്താക്കളാണുള്ളത്. ഗൂഗിൾ ക്രോമിന് 70 ശതമാനം വിപണി പങ്കാളിത്തമുള്ളപ്പോൾ രണ്ടാം സ്ഥാനത്തുള്ള യുസി ബ്രൗസറിന് 20 ശതമാന് പങ്കാളിത്തം. കഴിഞ്ഞ സാമ്പത്തിക വർഷം മാത്രം 226.68 കോടിയുടെ പരസ്യവരുമാനമാണ് ഇന്ത്യയിൽ നിന്ന് മാത്രം നേടിയത്. 2009 മുതൽ ഇന്ത്യയിൽ സജീവമാണ് യുസി.
advertisement
TRENDING:COVAXIN™️:കൊറോണ വൈറസിനെതിരെ ഇന്ത്യ വികസിപ്പിച്ചെടുത്ത മരുന്നിനെ കുറിച്ച് അറിയാം [NEWS]PM Modi Speech | 80 കോടി ജനങ്ങൾക്ക് നവംബർ അവസാനം വരെ സൗജന്യ ഭക്ഷ്യധാന്യം; പ്രധാനമന്ത്രിയുടെ പ്രസംഗം പൂർണരൂപത്തിൽ [NEWS] TikTok Ban |ശിൽപ്പഷെട്ടി മുതൽ റിതേഷ്ദേശ്മുഖ് വരെ; ടിക്ടോക്കിൽ താരങ്ങളായ ബോളിവുഡ് സെലിബ്രിറ്റികൾ [NEWS]
എന്താണ് യുസിയെ പ്രിയങ്കരമാക്കുന്നത്?
ക്രോം ഉപയോഗിക്കുന്നവ‌ർ പോലും രണ്ടാം ബ്രൗസറായി യുസിയെ ഉപയോഗിക്കുന്നതിന് പല കാരണങ്ങളുമുണ്ട്. പോൺ സൈറ്റുകളടക്കം പല നിരോധിത വെബ്സൈറ്റുകളിലേക്കും വിപിഎൻ ഉപയോഗിച്ച് കടന്ന് ചെല്ലാൻ യുസി ഉപയോഗിക്കുന്നവ‌ർ ധാരാളമാണ്. മികച്ച ഡൗൺലോഡ് മാനേജ്മെന്റാണ് യുസിയെ പ്രിയങ്കരനാക്കിയ മറ്റൊരു പ്രത്യേകത. ഒരേ സമയം പല ഡൗൺലോഡുകൾ നടത്താം, ഡൗൺ ലോഡുകൾ പോസ് ചെയ്ത് വക്കാനും ,ആപ്പിൽ നിന്ന് പുറത്തിറങ്ങിയാലും ഡൗൺലോഡ് നിന്നുപോകില്ലെന്നതുമെല്ലാം യുസിക്ക് ഗുണം ചെയ്തു.