'അടുത്ത കല്ല്യാണം ലോ‍ഡിങ്...'; ചേർത്തു നിർത്തി ഇഷാനി പിറന്നാൾ ആശംസിച്ചയാളെ തേടി സോഷ്യൽ മീഡിയ

നടൻ കൃഷ്ണകുമാറിന്റെ വീട്ടിൽ ഒരു വിവാഹം കഴിഞ്ഞിട്ട് ഏറെ നാളായില്ല. ദിയ കൃഷ്ണ(Diya Kridhna)യുടെയും അശ്വിന്റെയും(Aswin Ganesh) വിവാഹം കുടുംബത്തോടൊപ്പം ആരാധകരും ആഘോഷമാക്കി.

അതിനുശേഷം അടുത്തതായി വിവാഹം കഴിക്കാൻ പോകുന്നത് ആരാണെന്നാണ് സോഷ്യൽ മീഡിയ ആരാധകർ.അന്വേഷിക്കുന്നത്. അടുത്തത് അഹാന (Ahaana krishna)ആണെന്ന തരത്തിൽ ഇടയ്ക്ക് ചർച്ചകളും സജീവമായിരുന്നു.

ഇപ്പോഴിതാ ഇഷാനി കൃഷ്ണ(Ishaani Krishna) ഇൻസ്റ്റഗ്രാമിൽ പങ്കുവെച്ച ഒരു പുതിയ പോസ്റ്റോടുകൂടി അടുത്ത വിവാഹം നടക്കാൻ പോകുന്നത് ഇഷാനിയുടെതാണെന്ന് തരത്തിൽ കമന്റുകളുമായി എത്തിയിരിക്കുകയാണ് ആരാധകർ.

അർജുൻ എന്ന തന്റെ സുഹൃത്തിനാണ് ഇഷാനി പിറന്നാളാശംസിച്ചിരിക്കുന്നത്. 'ഒന്നിച്ചുള്ള കൂടുതൽ ചിരികളും സാഹസികതകളും മറക്കാനാവാത്ത നിമിഷങ്ങളും ഉണ്ട്. നിങ്ങൾ എല്ലാം കണ്ടുപിടിച്ചതായി നടിക്കാൻ തുടങ്ങേണ്ട സമയമായി' എന്നാണ് പിറന്നാൾ ആശംസകൾ നേർന്നുകൊണ്ട് ഇഷാനി കുറിച്ചിരിക്കുന്നത്.

ദിയ(Diya Kridhna), അശ്വിൻ ഗണേഷ്(Aswin Ganesh) അമ്മ സിന്ധു കൃഷ്ണ(Sindhu Krishna) എന്നിവരെല്ലാം ഇഷാനിയുടെ ഈ സുഹൃത്തിനെ ഇൻസ്റ്റഗ്രാമിൽ ഫോളോ ചെയ്യുന്നുണ്ട്. ഏതായാലും നിമിഷനേരങ്ങൾ കൊണ്ട് തന്നെ ഇഷാനിയുടെ ഈ പുതിയ പോസ്റ്റ് ആരാധകർ വൈറലാക്കിയിരിക്കുകയാണ്.