കുരങ്ങിന്റെ വികൃതി: 75000 രൂപയുടെ ഐഫോൺ കൊക്കയിലെറിഞ്ഞു; തിരിച്ചെടുത്ത് നൽകി അഗ്നിശമനസേന
- Published by:Anuraj GR
- news18-malayalam
Last Updated:
കുരങ്ങ് ജീപ്പിൽനിന്ന് ഫോണെടുത്ത് കൊക്കയിലേക്ക് എറിയുമ്പോൾ നിസഹായനായി നോക്കിനിൽക്കാനെ ജാസിമിനും കൂട്ടർക്കും സാധിച്ചുള്ളു
advertisement
1/6

കൽപ്പറ്റ: കോഴിക്കോട് നിന്ന് ചുരം കയറി വയനാട് കാണാനെത്തുമ്പോൾ ജാസിം എന്ന ചെറുപ്പക്കാരൻ ഇത്തരമൊരു അനുഭവം പ്രതീക്ഷിച്ചിട്ടുണ്ടാകില്ല. ലക്കിടിക്ക് മുമ്പുള്ള ചുരം വ്യൂ പോയിന്റിൽ ജസിമും കൂട്ടരും എത്തിയ ജീപ്പ് നിർത്തി. ഈ സമയം ജീപ്പിലുണ്ടായിരുന്ന ഐഫോൺ അവിടെയുണ്ടായിരുന്ന കുരങ്ങ് എടുക്കുകയും, അത് കൊക്കയിലേക്ക് വലിച്ചെറിയുകയും ചെയ്തു.
advertisement
2/6
കുരങ്ങ് ജീപ്പിൽനിന്ന് ഫോണെടുത്ത് കൊക്കയിലേക്ക് എറിയുമ്പോൾ നിസഹായനായി നോക്കിനിൽക്കാനെ ജാസിമിനും കൂട്ടർക്കും സാധിച്ചുള്ളു. കോഴിക്കോട് സ്വദേശി ജാസിമിന്റെ 75,000 രൂപ വിലമതിക്കുന്ന ഐഫോണ് 12 പ്രോ ആണ് കുരങ്ങ് കൊക്കയിലേക്ക് വലിച്ചെറിഞ്ഞത്.
advertisement
3/6
വ്യൂ പോയിന്റിൽനിന്ന് ചുരത്തിന്റെ മനോഹാരിത ആസ്വദിക്കുകയായിരുന്നു ജാസിമും കൂട്ടരും. അപ്പോഴാണ് ഹൃദയം പിളർത്തുന്ന ആ കാഴ്ച കണ്ടത്. തങ്ങളുടെ ജീപ്പിൽനിന്ന് ഐഫോൺ കൈക്കലാക്കി കുരങ്ങ് കൊക്കയിലേക്ക് എറിയുകയായിരുന്നു.
advertisement
4/6
ഇതോടെ വിവരം ജാസിം അഗ്നിരക്ഷാസേനയെ അറിയിച്ചു. രാവിലെ ഒമ്പത് മണിയോടെ തന്നെ അഗ്നിരക്ഷാസേന സ്ഥലത്തെത്തി. കൊക്കയിൽനിന്ന് ജാസിമിന്റെ വിലപിടിപ്പുള്ള ഐഫോൺ തിരിച്ചെടുക്കുന്നതിനുള്ള നടപടിക്രമങ്ങൾ ആരംഭിച്ചു.
advertisement
5/6
ഫയര്മാനായ ജിതിൻ കുമാര് എം റോപ്പ് കെട്ടി താഴേക്കിറങ്ങി. എല്ലാവരും ശ്വാസമടക്കിപ്പിടിച്ചാണ് അത് നോക്കിനിന്നത്. ഏകദേശ അരമണിക്കൂറോളം നീണ്ട തെരച്ചിലിനൊടുവിൽ ജിതിൻ കുമാർ ഫോൺ കണ്ടെത്തി. അത് വീണ്ടെടുത്ത് റോപ്പിൽ തൂങ്ങി മുകളിലേക്ക് എത്തി.
advertisement
6/6
ഫോൺ ജാസിമിന് കൈമാറിയപ്പോഴാണ് എല്ലാവർക്കും ആശ്വാസമായത്. അത്രയും ആഴത്തിലേക്ക് വീണെങ്കിലും ഫോണിന് കേടുപാടൊന്നും സംഭവിച്ചിരുന്നില്ല.
മലയാളം വാർത്തകൾ/Photogallery/Buzz/
കുരങ്ങിന്റെ വികൃതി: 75000 രൂപയുടെ ഐഫോൺ കൊക്കയിലെറിഞ്ഞു; തിരിച്ചെടുത്ത് നൽകി അഗ്നിശമനസേന