സെലിബ്രിറ്റികളുടെ കമന്റ് മാത്രമേ കാണുകയുള്ളൂ അല്ലേ? ആരാധകന്‍റെ ചോദ്യത്തിന് മറുപടിയുമായി മീരാ ജാസ്മിന്‍

മലയാളികളുടെ ഇഷ്ടതാരമാണ് മീരാ ജാസ്മിൻ. ഒരിടവേളയ്ക്ക് ശേഷം സിനിമയിലേക്ക് തിരിച്ചെത്തിയ താരത്തിന്റെ വിശേഷങ്ങൾ അറിയാൻ മലയാളികൾക്ക് താല്പര്യം ഏറെയാണ്.

ഇപ്പോൾ താരം പങ്കുവച്ചൊരു പോസ്റ്റും കമന്റും ആണ് ശ്രദ്ധനേടുന്നത്. ഡിസംബർ മാസത്തെ സ്വാ​ഗതം ചെയ്തു കൊണ്ടുള്ള ഫോട്ടോസ് ആണ് മീര പങ്കുവെച്ചത്.

പക്ഷെ, താരത്തിന്റെ പോസ്റ്റിന് "മീരയെ ഇഷ്ടപ്പെടുന്ന ഒരുപാട് സാധാരണക്കാർ ഉണ്ട്.. അവർക്കൊന്നും എന്തേ ഒരു റിപ്ലേ നൽകാത്തത്..സെലിബ്രിറ്റികളുടെ കമന്റ് മാത്രമേകാണുകയുള്ളൂ അല്ലേ..ആയിരത്തിൽ ഒരാൾക്കെങ്കിലും ഒരു ലൈക്ക് കൊടുക്കൂ", എന്നാണ് ഒരാൾ കമന്റ് ചെയ്തത്.

എന്നാൽ മീര ജാസ്മിൻ ഉടൻ മറുപടിയുമായി എത്തി. 'കുന്നോളം സ്നേഹം തിരികെ', എന്നാണ് മീര നൽകിയ മറുപടി.

ഹലോ ഡിസംബർ എന്ന ക്യാപ്ഷൻ കുറിച്ചുകൊണ്ടാണ് മീരാ ചിത്രങ്ങൾ പങ്കുവെച്ചത്.

ചുരിദാർ ധരിച്ച് അതീവ സുന്ദരിയായി നിൽക്കുന്ന മീരയെ ഫോട്ടോകളിൽ കാണാം. നിരവധി പേരാണ് ഫോട്ടോയ്ക്ക് കമന്റുമായി എത്തിയത്.