Modi Idlis | താമര നായകൻ മഹേഷിന്റെ ഐഡിയ; മോദി ഇഡ്‌ലി; ഒരു പ്ലേറ്റ് ഇഡ്‌ലിക്ക് 10 രൂപ

അധികം വൈകാതെ തന്നെ പ്രധാനമന്ത്രിയുടെ പേരിൽ 'മോദി ഇഡ്‌ലികൾ'' വിപണിയിലിറക്കാനൊരുങ്ങി ബി.ജെ.പി. നാല് ഇഡ്‌ലികൾ അടങ്ങുന്ന പ്ളേറ്റ് പത്ത് രൂപാ നിരക്കിൽ ഇറക്കാനാണ് ധാരണ

തമിഴ്നാട്ടിലെ സേലത്ത് സിറ്റിയുടെ പലഭാഗങ്ങളിലായി ഇപ്പോൾ തന്നെ പോസ്റ്ററുകൾ നിരന്നു കഴിഞ്ഞു. ബി.ജെ.പി. പ്രൊപ്പഗാണ്ട സെൽ സംസ്ഥാന വൈസ് പ്രസിഡന്റ് മഹേഷിന്റെ ആശയമാണിത്

പോസ്റ്ററിന്റെ ഇടത് ഭാഗത്തായി പ്രധാനമന്ത്രിയുടെ ചിത്രമുണ്ട്. നടുവിൽ 'നാലിഡ്ഡലിക്ക് 10 രൂപ' എന്ന വാചകം. പിന്നെ  മഹേഷിന്റെ ചിത്രവും

"താമര നായകൻ മഹേഷ് അവതരിപ്പിക്കുന്ന മോദി ഇഡ്‌ലികൾ. നാല് ഇഡ്‌ലിക്കും സാമ്പാറിനും 10 രൂപ. സേലത്ത് ഉടൻ അവതരിപ്പിക്കുന്നു. ആധുനിക ഉപകരണങ്ങൾ കൊണ്ട് ഉണ്ടാക്കിയ രുചികരവും ആരോഗ്യകരവുമായ ഇഡ്‌ലികൾ," പോസ്റ്ററിലെ വാക്കുകൾ ഇങ്ങനെ

തമിഴ്നാട് മുഖ്യമന്ത്രി കെ. പളനിസ്വാമിയുടെ സ്വദേശമാണ് സേലം

തുടക്കത്തിൽ ഇഡ്‌ലി വിൽക്കുന്ന 22 കടകൾ തുറക്കാനാണ് പ്ലാൻ. ജനസമ്മിതി എങ്ങെനെയുണ്ടെന്ന് പരിശോധിച്ച ശേഷം കൂടുതൽ കടകൾ തുറക്കും

ഒരു ദിവസം 40,000 ഇഡ്‌ലി ഉണ്ടാക്കാനുള്ള ഉപകരണങ്ങൾ എത്തിയതായി ബി.ജെ.പി. മീഡിയ സെൽ അറിയിച്ചു. അടുത്ത ആഴ്ച മുതൽ വിൽപ്പന ആരംഭിക്കും