Navya Nair | ഇതാണ് എന്റെ യഥാർത്ഥ പേര്; കലാതിലകമായ പത്രവാർത്തയുമായി നവ്യ നായർ

വർഷം എത്ര കഴിഞ്ഞാലും നവ്യ നായർക്ക് (Navya Nair) മലയാളിയുടെ മനസ്സിൽ ഒരു മുഖമുണ്ട്. നന്ദനത്തിലെ പച്ചപാവമായ നാട്ടിൻപുറത്തുകാരി ബാലാമണിയുടേത്. ആദ്യ ചിത്രങ്ങൾ കൊണ്ടുതന്നെ പ്രേക്ഷക മനസ്സ് കീഴടക്കാൻ നവ്യക്ക് സാധിച്ചു. നന്ദനം, ഇഷ്‌ടം, മഴത്തുള്ളിക്കിലുക്കം തുടങ്ങിയ ചിത്രങ്ങൾ അതിനുദാഹരണമാണ്. കലാതിലകപട്ടം നേടി സിനിമയിലെത്തിയ ചുരുക്കം ചില താരങ്ങളിൽ ഒരാളാണ് നവ്യ

റിയാലിറ്റി ഷോ, ഇൻസ്റ്റഗ്രാം റീലിസ് കാലങ്ങൾക്കും മുൻപ് സിനിമയിലേക്ക് പ്രതിഭകൾ എത്തിയത് കലോത്സവ വേദികളിലൂടെയായിരുന്നു. അത് മാത്രമായിരുന്നു അക്കാലങ്ങളിൽ പ്രതിഭ തെളിയിക്കാൻ സാധിച്ചിരുന്ന വേദിയും. നങ്യാർകുളങ്ങര ബി.ബി. ഹൈസ്‌കൂളിൽ നിന്നുമുള്ള ഹൈസ്‌കൂൾ വിഭാഗം കലാതിലകത്തിന്റെ ചിത്രവുമായി നവ്യ എത്തിയിരിക്കുന്നു. ഇതിൽ നവ്യയുടെ യഥാർത്ഥ പേരുമുണ്ട് (തുടർന്ന് വായിക്കുക)

എഴുത്തുകാരി മായാ കിരൺ ആണ് ഈ പത്രക്കഷണം കരുതി വച്ചത്. തന്റെ യഥാർത്ഥ പേരിൽ അച്ചടിച്ച് വന്ന ആ വാർത്തയിൽ നവ്യ ഈ പോസ്റ്റിലൂടെ അഭിമാനം കൊള്ളുന്നു

വി. ധന്യ ആണ് പിൽക്കാലത്ത് നവ്യ നായരായി വെള്ളിത്തിരയിലെത്തിയത്. ഹരിപ്പാട് ആണ് നവ്യയുടെ സ്വദേശം. മലയാളത്തിന് പുറമേ, തമിഴ്, കന്നഡ സിനിമകളിലും നവ്യ വേഷമിട്ടു

വിവാഹശേഷം സിനിമയിൽ നിന്നും ഇടവേളയെടുത്ത നവ്യ 'സീൻ ഒന്ന് നമ്മുടെ വീട്' എന്ന ചിത്രത്തിലൂടെ മടങ്ങിയെത്തി. പിന്നെയും ഇടവേളയിൽ പ്രവേശിച്ച ശേഷം, അടുത്തിടെ 'ഒരുത്തീ'യിൽ നായികാവേഷം ചെയ്തു

ദൃശ്യം കന്നഡ പതിപ്പിൽ മീന അവതരിപ്പിച്ച റാണി എന്ന കഥാപാത്രം ചെയ്തത് നവ്യ നായരാണ്. വി. രവിചന്ദ്രൻ ആണ് ചിത്രത്തിലെ നായകൻ

അഭിനയത്തിന് പുറമേ, റിയാലിറ്റി ഷോ, നൃത്ത വീഡിയോ, പുസ്തക രചന തുടങ്ങിയ കാര്യങ്ങളുമായി നവ്യ തിരക്കിലായി. മകൻ സായ് കൃഷ്ണയാണ് സോഷ്യൽ മീഡിയയിൽ നവ്യയുടെ സന്തത സഹചാരി