Nayanthara | ഒരേസമയം രണ്ടു വ്യത്യസ്ത പരാതികൾ; നയൻ‌താരക്കും ഭർത്താവ് വിഗ്നേഷ് ശിവനും പുതിയ വെല്ലുവിളികൾ

ഒരേസമയം രണ്ടു വ്യത്യസ്ത കേസുകൾ നേരിട്ട് നടി നയൻ‌താരയും (Nayanthara) അവരുടെ ഭർത്താവ് വിഗ്നേഷ് ശിവനും (Vignesh Shivan). രണ്ടുപേരുടെയും ഏറ്റവും പുതിയ ചിത്രങ്ങളാണ് വിവാദത്തിനു കാരണം. 2023 ഡിസംബർ മാസത്തിൽ പുറത്തിറങ്ങിയ 'അന്നപൂർണി' എന്ന നയൻ‌താര ചിത്രത്തിന്റെ ഉള്ളടക്കത്തിനെതിരെയാണ് ആദ്യ കേസ്. നയൻ‌താര ഒരു ഷെഫിന്റെ വേഷം ചെയ്യുന്ന ചിത്രം ബോക്സ് ഓഫീസിൽ അമ്പേ പരാജയമായി മാറി

വെറും അഞ്ചു കോടി മാത്രമാണ് ഈ ചിത്രം തിയേറ്ററിൽ കളക്ഷൻ ഇനത്തിൽ നേടിയത് എന്ന് റിപോർട്ടുണ്ട്. മുംബൈയിലെ എൽ.ടി. മാർഗ് പോലീസ് സ്റ്റേഷനിലാണ് സിനിമ 'ലവ് ജിഹാദ്' പ്രോത്സാഹിപ്പിക്കുന്നു എന്ന പേരിൽ പരാതി കിട്ടിയത് (തുടർന്ന് വായിക്കുക)

നയൻ‌താരയുടെ 75-ാമത് ചിത്രമാണ് അന്നപൂർണി. സിനിമയിലെ നായകൻ ജയ്, ശ്രീരാമൻ മാംസാഹാരിയാണ് എന്ന് പറയുന്ന ഡയലോഗ് ഉണ്ട്. ഇത് മതവികാരം വ്രണപ്പെടുത്തി എന്നാണ് പരാതി. ചിത്രം നെറ്ഫ്ലിക്സിൽ ഡിജിറ്റൽ പ്രദർശനത്തിനെത്തിയ ശേഷമാണ് വിവാദമുണ്ടാവുന്നത് 

മറ്റൊരു രംഗത്തിൽ ബിരിയാണി വയ്ക്കുന്നതിന് മുൻപ് 'നമസ്' ചെയ്യുന്ന നയൻ‌താരയെ കാണിക്കുന്നുണ്ട്. ഒരു ക്ഷേത്ര പൂജാരിയുടെ മകളുടെ വേഷമാണ് ഈ സിനിമയിൽ നയൻ‌താരയ്ക്കുള്ളത്. ഇതും പരാതിക്ക് വിഷയമായി. ഹിന്ദു ഐ.ടി. സെല്ലിന്റേതാണ് പരാതി. രാമായണത്തെ വളച്ചൊടിച്ചു എന്നും ശ്രീരാമനെ വിമർശിച്ചു എന്നും പരാതിയിൽ പറയുന്നു

വിഗ്നേഷ് ശിവന് വിനയായത് വരാനിരിക്കുന്ന ചിത്രമായ എൽ.ഐ.സി. ആണ്. ലവ് ഇൻഷുറൻസ് കോർപറേഷൻ എന്നതിന്റെ ചുരുക്കരൂപമാണ് എൽ.ഐ.സി. ഇതിനെതിരെ ലൈഫ് ഇൻഷുറൻസ് കോർപറേഷൻ വിക്കിക്ക് നോട്ടീസ് നൽകിയിരിക്കുന്നു എന്ന് റിപ്പോർട്ട്

ഈ പേരുമായി മുന്നോട്ടു പോകരുത് എന്നാണ് ലൈഫ് ഇൻഷുറൻസ് കോർപറേഷൻ മുന്നോട്ടുവെക്കുന്ന ആവശ്യം. ഒരാഴ്ചയ്ക്കകം സിനിമയുടെ പേര് മാറ്റിയില്ലെങ്കിൽ, നിയമനടപടി നേരിടേണ്ടി വരും എന്നും നോട്ടീസിൽ പറയുന്നു

സംവിധായകൻ പ്രദീപ് രംഗനാഥനും കൃതി ഷെട്ടിയും പ്രധാനവേഷങ്ങളിൽ അഭിനയിക്കുന്ന ചിത്രം പോയവർഷം ഡിസംബറിലാണ് പ്രഖ്യാപിച്ചത്. എസ്.ജെ. സൂര്യ ഒരു സുപ്രധാനവേഷം ചെയ്യുന്നു