ഡാഡയുടെ എക്കാലത്തെയും ബ്ലോക്ബസ്റ്റർ; അല്ലിക്ക് 10 വയസ്, ചിത്രങ്ങളുമായി പൃഥ്വിരാജ്

പൃഥിരാജിന്റെയും സുപ്രിയമേനോന്റെയും മകൾ അലംകൃതയ്ക്ക് 10 വയസ്. മകളുടെ പിറന്നാൾ ദിനത്തിൽ വികാരഭരിതമായ കുറിപ്പാണ് പൃഥ്വിരാജും സുപ്രിയയും പങ്കുവച്ചത്. മകൾ അലംകൃതയെ കുറിച്ചും മകളുടെ വരവോടെ തങ്ങളുടെ ജീവിതത്തിൽ വന്ന മാറ്റങ്ങളുമാണ് ഇരുവരും കുറിപ്പിലൂടെ അറിയിച്ചത്.

സുപ്രിയയുടെ കുറിപ്പിൽ അകാലത്തിൽ വിടപറഞ്ഞ അച്ഛനെ കുറിച്ചും, അല്ലിയും അച്ഛനും ഒന്നിച്ചുള്ള ചിത്രങ്ങളുമുണ്ട്. 'എൻ്റെ പ്രിയപ്പെട്ട അല്ലി കുട്ടാ, നിനക്ക് 10 വയസ്സായി! കൊള്ളാം, ഇത്രയും കാലം എവിടെ പോയി? ജീവിതത്തെക്കുറിച്ച് ഞങ്ങൾ പഠിപ്പിക്കുന്നതിൽ നിന്ന്, ജീവിതം എന്ന് നീ കരുതുന്ന എല്ലാ കാര്യങ്ങളിലും ഞങ്ങളെ പഠിപ്പിക്കുന്നത് നീയാണ്. എല്ലാ ദിവസവും ഞാൻ പുതിയ എന്തെങ്കിലും പഠിക്കുന്നു, നിനക്ക് നന്ദി. നീ ഞങ്ങളുടെ ഏറ്റവും വലിയ അനുഗ്രഹമായിരുന്നുവെന്ന് പറയുന്നത് കുറഞ്ഞുപോകും! ഡാഡയും ഞാനും നീ എന്ന വ്യക്തിയെക്കുറിച്ചും നീ ആകാൻ ആഗ്രഹിക്കുന്ന എല്ലാത്തെക്കുറിച്ചും അഭിമാനിക്കുന്നു. (തുടർന്ന് വായിക്കുക)

ഒരു വശത്ത് നിന്ന് നിന്നെ നിരീക്ഷിക്കുന്നതിൽ ഞങ്ങൾ എപ്പോഴും സന്തുഷ്ടരും സംതൃപ്തരുമാണ്! നീ ദയയും സഹാനുഭൂതിയും ഉള്ളവരായിരിക്കുക, നി ഉള്ളതിനാൽ ഞങ്ങളുടെ ലോകം എപ്പോഴും സമ്പന്നമായിരിക്കും! ആലി ആത്മവിശ്വാസത്തോടെ മുന്നോട്ട് പോകുമ്പോൾ പുതിയ ഉയരങ്ങൾ കീഴടക്കുന്നത് കണാൻ ഡാഡി (നിന്റെ മുത്തച്ഛൻ) എല്ലായ്പ്പോഴും നിന്നോടൊപ്പമുണ്ടാകും! ജന്മദിനാശംസകൾ എന്റെ വെളിച്ചമേ! നിന്റെ അമ്മയായതിൽ വളരെ സന്തോഷവും നന്ദിയും ഉണ്ട്!'- സുപ്രിയ കുറിച്ചു.

സമാനമായ മറ്റൊരു കുറിപ്പാണ് പൃഥ്വിരാജ് പങ്കുവച്ചത്. 'ജന്മദിനാശംസകൾ എന്റെ വെളിച്ചമേ! നീ ഈ ലോകത്ത് വന്നിട്ട് 10 വർഷം മാത്രം, എങ്കിലും ഒരു കുടുംബമെന്ന നിലയിൽ ഞങ്ങൾക്കായി നീ ഇതിനകം നിരവധി കാര്യങ്ങൾക്ക് വഴികാട്ടിയായി! മമ്മയും ഡാഡയും നീ ആയിത്തീർന്ന ചെറിയ മനുഷ്യനെ ഓർത്ത് വളരെ അഭിമാനിക്കുന്നു! ഡാഡയുടെ എക്കാലത്തെയും മികച്ച ബ്ലോക്ക്ബസ്റ്ററായി നീ എന്നേക്കും നിലനിൽക്കും, അതിനാൽ വരും വർഷങ്ങളിൽ നീ കൂടുതൽ പൂത്തുലയുന്നത് കാണാൻ ഞാനും നിന്റെ മമ്മയും കാത്തിരിക്കുന്നു.'- പൃഥ്വിരാജ് കുറിച്ചു.

ഇരുവരും പങ്കുവച്ച ചിത്രം നിമിഷ നേരങ്ങൾക്കുള്ളിലാണ് സമൂഹമാദ്ധ്യമങ്ങളിൽ വൈറലായത്. അല്ലിയുടെ പത്താം പിറന്നാൾ ദിനത്തിൽ നിരവധി പേർ ആശംസകളും അറിയിച്ചു. താരങ്ങളും അല്ലാത്തവരുമായുള്ള നിരവധിപേർ അല്ലിക്ക് പിറന്നാൾ ആശംസകൾ കമന്റുകളിലൂടെ അറിയിച്ചു.