ഈ നിമിഷത്തിൽ പിതാവിനെ ഓർക്കുന്നു, സുവർണക്ഷേത്രത്തിൽ ദർശനം നടത്തി പ്രിയങ്ക ചോപ്ര

അമൃത്സറിലെ സുവർണക്ഷേത്രത്തിൽ ദർശനം നടത്തി ബോളിവുഡ് നടി പ്രിയങ്ക ചോപ്ര. സന്ദർശനത്തിന്റെ ചിത്രത്തോടൊപ്പം വികാരധീദമായ കുറിപ്പും പ്രിയങ്ക സോഷ്യൽമീഡിയയിൽ പങ്കുവച്ചു. ക്ഷേത്രത്തിൽ നിൽക്കുമ്പോൾ അന്തരിച്ച തന്റെ പിതാവി‍‍നെ ഓർമവന്നുവെന്ന് പ്രിയങ്ക ഇൻസ്റ്റ​ഗ്രാമിൽ കുറിച്ചു.

പിതാവ് അശോക് ചോപ്രയെ അനുസ്മരിച്ചുകൊണ്ട് ​ഗുരുദ്വാരയിൽ‍ സേവ നടത്തുകയും ചെയ്തു. 'അച്ഛാ ഞാൻ നിങ്ങളെ ഓർത്തുപോകുന്നു'- എന്നാണ് പ്രിയങ്ക കുറിച്ചത്.

ദർശനം സൗകര്യപ്രദമാക്കിയതിന് ക്ഷേത്രകമ്മിറ്റിക്ക് നന്ദി അറിയിക്കുന്നതായും താരം വ്യക്തമാക്കി. സുവർണക്ഷേത്രത്തിലെ ദർബാർ സാഹിബിൽ സേവ നടത്തുന്ന പ്രിയങ്ക ചോപ്രയുടെ വീഡിയോ സോഷ്യൽമീഡിയയിൽ വൈറലാവുകയാണ്. ക്ഷേത്രത്തിലെ മറ്റ് സ്ത്രീകൾക്കൊപ്പം പാത്രങ്ങൾ വൃത്തിയാക്കുന്നതാണ് വീഡിയോ.

എസ്എസ് രാജമൗലിയുടെ വാരണാസി എന്ന ചിത്രത്തിലൂടെ ചെറിയ ഇടവേളയ്ക്ക് ശേഷം തിരികെ വരാൻ ഒരുങ്ങുകയാണ് പ്രിയങ്ക ചോപ്ര. മഹേഷ് ബാബു, പൃഥ്വിരാജ് എന്നിവർക്കൊപ്പം പ്രധാനവേഷത്തിലാണ് പ്രിയങ്ക എത്തുന്നത്. 2027-ൽ ചിത്രം റിലീസ് ചെയ്യും. ചിത്രത്തിന്റെ ഷൂട്ടിം​ഗ് അമൃത്സറിൽ നടക്കുന്നുവെന്നാണ് പുറത്തുവരുന്ന റിപ്പോർട്ട്.

ക്യാൻസർ ബാധിതനായ പ്രിയങ്കയുടെ പിതാവ് 2013-ലാണ് മരണപ്പെട്ടത്. പല അഭിമുഖങ്ങളിലും പ്രിയങ്ക പിതാവിനെ കുറിച്ചുള്ള ഓർമകൾ വേദനയോടെ പങ്കുവച്ചിട്ടുണ്ട്. തന്റെ വിവാഹത്തിന് പിതാവിന്റെ അസാന്നിധ്യവും ഏറെ മാനസിക ബുദ്ധിമുട്ട് ഉണ്ടാക്കിതയായി പ്രിയങ്ക തന്നെ തുറന്നുപറഞ്ഞിട്ടുണ്ട്.