Samantha: പഠിപ്പിസ്റ്റാ..ഉറപ്പിച്ചു; വൈറലായ പത്താം ക്ലാസ് മാർക്ക് ഷീറ്റ് സമാന്തയുടേത് തന്നെ; കണക്കിന് ഫുൾമാര്‍ക്ക്

തെന്നിന്ത്യയിലെ ജനപ്രിയ നടി സമാന്ത റൂത്ത് പ്രഭുവിന്റെ അഭിനയത്തിലെ മികവ് പ്രത്യേകം എടുത്ത് പറയേണ്ട കാര്യമില്ലല്ലോ. നർത്തകി, നടി, ആക്ഷൻ ക്വീൻ അങ്ങനെ എല്ലായിടത്തും ശോഭിച്ച താരം വായനയിലും താല്‍പര്യമുള്ളയാളാണ്.

പഠനം പാതിവഴിയിൽ നിർത്തി അഭിനയരംഗത്തേക്ക് വന്ന ഒരുപാട് നടിമാരുണ്ട്. എന്നാൽ പഠിത്തതില്‍ ഏറെ മികവ് പ്രകടിപ്പിച്ചയാളാണ് സമാന്ത. ഇപ്പോൾ വൈറലായ സമാന്തയുടെ പത്താംക്ലാസ് മാർക്ക് ഷീറ്റ് തന്നെ ഇതിന് തെളിവ്. ഇത് നേരത്തെ തന്നെ വൈറലായിരുന്നു. ഇപ്പോൾ ഇത് തന്റെ മാർക്ക് ഷീറ്റ് തന്നെയെന്ന് സ്ഥിരീകരിച്ചിരിക്കുകയാണ് സമാന്ത. താരം തന്നെ ഈ മാർക്ക് ഷീറ്റുകൾ പങ്കുവക്കുകയും ചെയ്തിരിക്കുകയാണ്. 

ഇന്ത്യൻ സിനിമയിലെ ഏറ്റവും ജനപ്രിയ നടിമാരിൽ ഒരാളാണ് സമാന്ത റൂത്ത് പ്രഭു. വിവിധ ഭാഷകളിലായി നിരവധി സിനിമകളിൽ അഭിനയിച്ച് തന്റെ അഭിനയ മികവ് തെളിയിച്ചിട്ടുണ്ട്. ഒരു ഐറ്റം സോങ്ങും ചെയ്തിട്ടുണ്ട്. എന്നാൽ അഭിനയത്തിനൊപ്പം വിദ്യാഭ്യാസത്തിന്റെ കാര്യത്തിലും സമാന്ത മുന്നിൽ തന്നെയാണ്.

പത്താം ക്ലാസിലെ അർധവാർഷിക പരീക്ഷയുടെ മാർക്ക് കാർഡ് നടിയുടെ പഠന മികവിന്റെ തെളിവാണ്. പത്താം ക്ലാസിൽ 1000ൽ 887 മാർക്കാണ് താരം നേടിയത്.

2020ൽ സമാന്തയുടെ പത്താം ക്ലാസ് മാർക്ക് ഷീറ്റ് സോഷ്യൽ മീഡിയയിൽ വൈറലായിരുന്നു. ഗണിതത്തിൽ 100/100, ഫിസിക്‌സിൽ 95/100. ഇംഗ്ലീഷിൽ 90, ബോട്ടണിയിൽ 84, ചരിത്രത്തിൽ 91, ഭൂമിശാസ്ത്രത്തിൽ 83 എന്നിങ്ങനെയാണ് താരം മാർക്ക് നേടിയത്.

2020ൽ സമാന്തയുടെ പത്താം ക്ലാസ് മാർക്ക് ഷീറ്റ് സോഷ്യൽ മീഡിയയിൽ വൈറലായിരുന്നു. കണക്കിന് 100/100, ഫിസിക്‌സിന് 95/100. ഇംഗ്ലീഷിന് 90, ബോട്ടണിക്ക് 84, ഹിസ്റ്ററിക്ക് 91, ജ്യോഗ്രഫിക്ക് 83 എന്നിങ്ങനെയാണ് താരം നേടിയ മാർക്കുകള്‍

ലാംഗ്വേജ് പേപ്പറിന് 88/100 മാർക്ക് നേടി. വൈറലായ റിപ്പോർട്ട് കാർഡിൽ സമാന്തയുടെ ടീച്ചർ എഴുതിയ കമന്റും സൂപ്പറാണ്. 'പരീക്ഷയിൽ മികച്ച വിജയം നേടി. ഈ സ്കൂളിന്റെ ഒരു മുതൽക്കൂട്ടാണ്'- എന്നാണ് ടീച്ചർ എഴുതിയിരിക്കുന്നത്.

റിപ്പോർട്ട് കാർഡ് ഓൺലൈനിൽ വീണ്ടും വൈറലായതിന്റെ സന്തോഷം സമാന്ത മറച്ചുവച്ചില്ല. റീട്വീറ്റ് ചെയ്തു കൊണ്ട് താരം കുറിച്ചത് ഇങ്ങനെ- “ഹാ ഹ ഇത് തിരിച്ചെത്തി, Awww,”. ഈ ട്വീറ്റും നിമിഷനേരം കൊണ്ട് വൈറലായി. ഒട്ടേറെ ആരാധകർ അഭിനന്ദനവുമായെത്തി.

അടുത്തിടെ ലണ്ടനിൽ നടന്ന 'സിറ്റാഡൽ' പ്രീമിയറിൽ സഹതാരം വരുൺ ധവാനൊപ്പം സമാന്ത പങ്കെടുത്തിരുന്നു. പ്രിയങ്ക ചോപ്രയും റിച്ചാർഡ് മാഡനും അഭിനയിച്ച അന്താരാഷ്ട്ര വെബ് സീരീസിന്റെ ഇന്ത്യൻ പതിപ്പിലെ പ്രധാന അഭിനേതാക്കൾ ഇവരാണ്.