Nila Srinish | ഫോട്ടോഷൂട്ട് അമ്മേടേം അച്ഛന്റെയും, സ്റ്റാറായി നില ബേബി; പേളി - ശ്രീനിഷ് മറ്റേർണിറ്റി ഫോട്ടോസിൽ തിളങ്ങി മകൾ

നില എന്ന ഓമനക്കുഞ്ഞിന് ഫാൻസ്‌ വളരെയേറെയുണ്ട്. ജനിച്ച നിമിഷം മുതൽ ഇന്നുവരെ നിലയുടെ കുറുമ്പും കൊഞ്ചലുകളും അച്ഛൻ ശ്രീനിഷും (Srinish Aravind) അമ്മ പേളി മാണിയും (Pearle Maaney) എപ്പോഴും സോഷ്യൽ മീഡിയയിൽ പോസ്റ്റ് ചെയ്യാറുണ്ട്. നിലയുടെ ഫാൻസ്‌ പേജുകൾ കൂടാതെയാണിത്. കൈക്കുഞ്ഞായിരിക്കും മുതലേ നില പൊതുചടങ്ങുകളിലും മറ്റും സജീവമായി പങ്കെടുക്കാറുണ്ടായിരുന്നു

അമ്മയുടെ വയറ്റിൽ കുഞ്ഞുവാവ വന്നത് മുതൽ നില ത്രില്ലിലാണ്. ശ്രീനിഷിന്റെയും പേളിയുടെയും മറ്റേർണിറ്റി ഷൂട്ടിൽ ഇക്കുറി സ്റ്റാർ നില ബേബിയാണ്. ഏറ്റവും പുതിയ ഫോട്ടോഷൂട്ടിന്റെ ചിത്രങ്ങൾ കഴിഞ്ഞ ദിവസം ഇൻസ്റ്റഗ്രാമിൽ പോസ്റ്റ് ചെയ്തു. കമന്റുകൾ കണ്ടാൽ അറിയാം ഇപ്പോൾ സ്റ്റാർ അവർ രണ്ടുപേരുമല്ല, നില കുട്ടിയാണ് (തുടർന്ന് വായിക്കുക)

മൂന്നാറിൽ വച്ചാണ് ഫോട്ടോഷൂട്ട്. ഇവിടുത്തെ പ്രകൃതി രമണീയമായ ലൊക്കേഷനിലാണ് ചിത്രങ്ങൾ പകർത്തിയിട്ടുള്ളത്. ഫ്രയിമിൽ ആരുണ്ടെങ്കിലും, എത്ര മനോഹരമായ പ്രകൃതി ആണെങ്കിലും ഫിൽറ്റർ ഇല്ലാതെ തീർത്തും നാച്ചുറൽ ആയ നില ബേബിയുടെ എക്സ്പ്രെഷനുകളോട് കിടപിടിക്കാൻ മറ്റൊന്നുമില്ല

കൂടുതൽ പേരും ഇഷ്‌ടപ്പെട്ട ചിത്രം ഇതാണ്. അച്ഛനെയും അമ്മയെയും പശ്ചാത്തലത്തിൽ ബ്‌ളർ ആക്കി ഫ്രയിമിന്റെ മുഴുവൻ ശ്രദ്ധയും ആകർഷിച്ച നിലയുടെ മുഖഭാവമാണ് ക്യൂട്ട്

ഭാമ, ദീപ്തി സതി, അഹാന കൃഷ്ണ, ആദിൽ ഇബ്രാഹിം, ജുവൽ മേരി, അനൂപ് കൃഷ്ണൻ തുടങ്ങിയവർ ചിത്രത്തിന് ലൈക്ക് നൽകിയ കൂട്ടത്തിലുണ്ട്. രണ്ടര വയസുകാരിയാണ് നില

നില ഇപ്പോൾത്തന്നെ രണ്ടു കുഞ്ഞനുജന്മാരുടെ ചേച്ചിയാണ്. ഇളയമ്മ റേച്ചലിന് രണ്ടാൺകുട്ടികളാണ്, റെയ്ൻ, കയ് എന്നിങ്ങനെയാണ് അവരുടെ പേരുകൾ. റെയ്‌നും നിലയും കൂട്ടുകാർ ആയിക്കഴിഞ്ഞു

കയ് പിറന്നിട്ടു കുറച്ചു ദിവസങ്ങൾ മാത്രമേ ആകുന്നുള്ളൂ. ഈ വേള മൂത്ത ചേച്ചിയായ നില രണ്ടു കുറുമ്പന്മാരുടെയും ഒപ്പമുള്ള ആദ്യ ചിത്രമാണിത്

ശ്രീനിഷിന്റെ അമ്മയുടെ പ്രിയപ്പെട്ട പേരക്കുട്ടി കൂടിയാണ് നില. രണ്ടുപേരും തമ്മിൽ നല്ല രൂപസാദൃശ്യവുമുണ്ട്