Arushi Mishra IFS: UPSC പരീക്ഷയിൽ രണ്ടുതവണയും ഉന്നത വിജയം നേടിയ ഐഎഫ്എസ് ഉദ്യോഗസ്ഥ; ഭർത്താവും സഹോദരനും ഐഎഎസ്

ചില പ്രത്യേകതകൾ കൊണ്ട് രാജ്യത്തെ പല കുടുംബങ്ങളും വാർത്തകളിൽ ഇടം പിടിക്കാറുണ്ട്. സ്വന്തം കഴിവുകൊണ്ട് അവർ ഉയർന്ന തലങ്ങളിലെത്തുന്നു. അത്തരത്തിലുള്ള പ്രചോദനാത്മകമായ ഒരു കഥയാണ് ഇന്ത്യൻ ഫോറസ്റ്റ് സർവീസിലെ ഉദ്യോഗസ്ഥയും നിലവിൽ ആഗ്ര ഫോറസ്റ്റ് ഡിപ്പാർട്ട്‌മെന്റിൽ ഡെപ്യൂട്ടി ഡിഎഫ്ഒയുമായ ഐഎഫ്എസ് ആരുഷി മിശ്രയുടേത്.

1991 ജനുവരി 31 ന് പ്രയാഗ്‌രാജിൽ ജനിച്ച ആരുഷിയുടെ അച്ഛൻ അജയ് മിശ്ര മുതിർന്ന അഭിഭാഷകനും അമ്മ നീത മിശ്ര ലക്ചററുമാണ്. ആരുഷിയുടെ ഇളയ സഹോദരൻ അർണവ് മിശ്രയും ഐഎഎസ് ഉദ്യോഗസ്ഥനാണ്, ഉത്തർപ്രദേശിൽ ഡെപ്യൂട്ടി കളക്ടറാണ്..

ആഗ്ര ഡെവലപ്‌മെന്റ് അതോറിറ്റിയുടെ വൈസ് ചെയർമാനായ ഐഎഎസ് ചർച്ചിത് ഗൗറിനെയാണ് ആരുഷി വിവാഹം കഴിച്ചത്. ആരുഷി പത്താം ക്ലാസ് പൂർത്തിയാക്കിയത് ബറേലിയിലാണ്. പത്താം ക്ലാസിൽ 95.14 ശതമാനം മാർക്ക് ലഭിച്ചു. സിബിഎസ്ഇ ബോർഡ് 12-ാം ക്ലാസ് പരീക്ഷയിൽ 91.2 ശതമാനം മാർക്ക് നേടി. 2014ൽ ഐഐടി റൂർക്കിയിൽ നിന്നാണ് ആരുഷി ബിടെക് പൂർത്തിയാക്കിയത്.

കുട്ടിക്കാലം മുതൽ ഐഎഎസ് സ്വപ്നം കണ്ട ആരുഷി 2018ലെ യുപിഎസ്‌സി പരീക്ഷയിൽ 229-ാം റാങ്ക് കരസ്ഥമാക്കി ഐആർഎസ് ആയി. എന്നിരുന്നാലും, അതേ വർഷം ഉത്തർപ്രദേശ് പബ്ലിക് സർവീസ് കമ്മീഷൻ പിസിഎസ് പരീക്ഷയിൽ 16-ാം റാങ്ക് നേടി. ഇതോടൊപ്പം യുപിയിൽ ഡിഎസ്പി പദവിയും ലഭിച്ചു.

ഈ രണ്ട് തസ്തികകൾക്ക് ശേഷവും യുപിഎസ്‌സി പരീക്ഷ വീണ്ടും നടത്താൻ അരുഷി തീരുമാനിച്ചു. ഇത്തവണ ഇന്ത്യൻ ഫോറസ്റ്റ് സർവീസിൽ അഖിലേന്ത്യ രണ്ടാം റാങ്ക് നേടി.

UPSC പരീക്ഷയിൽ ഉന്നത റാങ്ക് നേടിയവർ ഉപയോഗിച്ച തന്ത്രങ്ങൾ പഠിച്ചുകൊണ്ട് നിങ്ങളും ഷെഡ്യൂൾ തയ്യാറാക്കുക. ഇതോടൊപ്പം ഏകാഗ്രത വർധിപ്പിക്കാൻ യോഗയും വ്യായാമവും ചെയ്യേണ്ടതുണ്ട്. കഴിയുന്നത്ര മോക്ക് ടെസ്റ്റുകൾ നടത്താനും ഉദ്യോഗാർത്ഥികളോട് ആരുഷി പറയുന്നു..