ലഹരി ഉപയോഗം; ഹാസ്യതാരം ഭാരതി സിംഗിന് പിന്നാലെ ഭർത്താവ് ഹർഷ് ലിംബാച്ചിയയും അറസ്റ്റിൽ

ബോളിവുഡിനെ പിടിച്ചുലച്ച മയക്കു മരുന്ന് കേസില്‍ ഹാസ്യതാരം ഭാരതി സിംഗിന്‍റെ ഭർത്താവ് ഹർഷ് ലിംബാച്ചിയയും അറസ്റ്റിൽ. കേസിൽ ഭാരതിയെ കഴിഞ്ഞ ദിവസം തന്നെ അറസ്റ്റ് ചെയ്തിരുന്നു

ലഹരി മരുന്ന് ഉപയോഗിച്ചതിനും കൈവശം വച്ചതിനുമാണ് അറസ്റ്റ്. ഇന്ന് രാവിലെയാണ് ഹര്‍ഷിന്‍റെ അറസ്റ്റ് നാർക്കോട്ടിക്സ് കൺട്രോൾ ബ്യൂറോ  രേഖപ്പെടുത്തിയത്.  ഇരുവരെയും ഇന്ന് വൈദ്യപരിശോധനയ്ക്ക് ഹാജരാക്കി  (Image: Viral Bhayani)

ചാനലുകളിലെ കോമഡി ഷോകളിലൂടെ ശ്രദ്ധ നേടിയ താരമാണ് ഭാർതി. മയക്കുമരുന്ന് കടത്തുമായി ബന്ധമുള്ള ഒരാൾ നൽകിയ വിവരങ്ങൾ അനുസരിച്ച് എൻസിബി ഇന്ന് ഭാരതിയുടെ വീട്ടിൽ റെയ്ഡ് നടത്തിയിരുന്നു. (Image: Viral Bhayani)

പരിശോധനയിൽ ഇവരുടെ വീട്ടിൽ നിന്നും ചെറിയ അളവിൽ കഞ്ചാവ് കണ്ടെത്തിയതിനെ തുടര്‍ന്നാണ് ഭാരതിയെയും ഭർത്താവിനെയും കസ്റ്റഡിയിലെടുത്തത്.. (Image: Viral Bhayani)

ചോദ്യം ചെയ്യലിൽ തങ്ങൾ കഞ്ചാവ് ഉപയോഗിച്ചിരുന്നതായി ഭാരതിയും ഹര്‍ഷും കുറ്റസമ്മതം നടത്തിയിരുന്നു. ഇതിന്‍റെ അടിസ്ഥാനത്തിലാണ് അറസ്റ്റ്. (Image: Viral Bhayani)

'കൊമേഡിയൻ ഭാർതി സിംഗിന്‍റെ വീട്ടിലും പ്രൊഡക്ഷൻ ഹൗസിലുമായി എൻസിബി സംഘം റെയ്ഡ് നടത്തിയിരുന്നു. രണ്ടിടങ്ങളിൽ നിന്നുമായി 86.5 ഗ്രാം കഞ്ചാവാണ് കണ്ടെടുത്തത്. . (Image: Viral Bhayani)

ബോളിവുഡ് താരം സുശാന്ത് സിംഗ് രാജ്പുതിന്‍റെ മരണവുമായി ബന്ധപ്പെട്ട അന്വേഷണമാണ് ബോളിവുഡിലെ ലഹരി മാഫിയയിലേക്ക് വഴി തിരിഞ്ഞത്.  (Image: Viral Bhayani)

ഹർഷ് ലിംബാച്ചിയ. (Image: Viral Bhayani)