Ishaani Krishna | നീളൻ മുടി മുറിച്ച്, കളർ ചെയ്ത് ഇഷാനി; പുത്തൻ ലുക്കിൽ തിളങ്ങി യുവതാരം

അടുത്തിടെ നടത്തിയ വെയ്റ്റ്ഗെയ്ൻ പ്രക്രിയയും ആദ്യ സിനിമയുടെയും പേരിൽ നടി ഇഷാനി കൃഷ്ണ ശ്രദ്ധ നേടുകയുണ്ടായി. പലപ്പോഴും 39-41 കിലോയിൽ കൂടാത്ത ശരീരഭാരം സ്വപ്രയത്നത്താൽ 50 കിലോ ആയി വർദ്ധിപ്പിച്ചാണ് ഇഷാനി ശ്രദ്ധ നേടിയത്. അതുപോലെ തന്നെ നാല് സഹോദരിമാരിൽ നീളൻ തലമുടിയുടെ ഉടമയായാണ് ഇഷാനി കൃഷ്ണ പ്രത്യക്ഷപ്പെട്ടിട്ടുള്ളത്

എന്നാലിപ്പോൾ ആ നീളൻ മുടിയിൽ പുതിയ പരീക്ഷണങ്ങൾ നടത്തിയിരിക്കുകയാണ് ഇഷാനി. മുടി മുറിച്ച്, കളർ ചെയ്ത് സൂപ്പർ ലുക്കിലാണ് ഇഷാനിയുടെ വരവ്. കഴിഞ്ഞ ദിവസം തന്റെ ഇൻസ്റ്റഗ്രാം സ്റ്റോറിയിലാണ് പുതിയ ലുക്കിലെ മിറർ സെൽഫി ഇഷാനി പോസ്റ്റ് ചെയ്തത്. ആ ലുക്കിതാ കണ്ടോളൂ (തുടർന്ന് വായിക്കുക)

ഇതാണ് ഇഷാനിയുടെ സൂപ്പർ കൂൾ ഡാപ്പർ ലുക്ക്. മമ്മൂട്ടി ചിത്രം 'വൺ' ഇഷാനിയുടെ കന്നിചിത്രമാണ്. ഇതിൽ മാത്യു തോമസിന്റെ കൂട്ടുകാരിയായാണ് ഇഷാനി എത്തിയത്

ആദ്യ സിനിമയിൽ രമ്യ എന്ന കഥാപാത്രമായാണ് ഇഷാനിയുടെ വരവ്. സിനിമയിലുടനീളം ഇഷാനിയുടെ റോളിന് പ്രസക്തിയുണ്ട്

ശരീരഭാരം വർധിപ്പിച്ച ശേഷം ഇഷാനി ഇട്ട പോസ്റ്റ്. പലരും മെലിയാൻ കഠിനപ്രയത്നം ചെയ്യുമ്പോൾ, ആരോഗ്യകരമായി ശരീരഭാരം വർധിപ്പിച്ച് പോസിറ്റിവിറ്റി പടർത്തുന്നതായി ഇഷാനിയുടെ പോസ്റ്റ്

'അഹാദിഷിക' എന്ന ചുരുക്കപ്പേരിൽ അറിയപ്പെടുന്ന അഹാന, ദിയ, ഇഷാനി, ഹൻസിക സഹോദരിമാർ