തെന്നിന്ത്യ കടന്ന് ബോളിവുഡിലേക്ക്; 2021 ൽ ബോളിവുഡ് ചിത്രങ്ങളുമായി ഈ താരങ്ങൾ
- Published by:Naseeba TC
- news18-malayalam
Last Updated:
ഭാഷയുടെ അതിർവരമ്പുകൾ കടന്ന് മലയാളി താരങ്ങൾ ബോളിവുഡിൽ ശ്രദ്ധേയമായ വേഷങ്ങളിൽ എത്തി.
advertisement
1/7

2020 സിനിമാ മേഖലയിൽ കനത്ത പ്രതിസന്ധിയാണ് സൃഷ്ടിച്ചതെങ്കിലും സിനിമാ പ്രവർത്തകർക്ക് മുന്നിൽ ഒട്ടേറെ പുതിയ സാധ്യതകൾ തുറന്നിട്ട് നൽകിയ വർഷം കൂടിയായിരുന്നു 2020. ഒടിടിയുടെ അനന്ത സാധ്യതകളും പുതുമയുള്ള ഒട്ടനവധി അവസരങ്ങളും സിനിമാ താരങ്ങൾക്ക് ഈ വർഷം ലഭിച്ചിട്ടുണ്ട്.
advertisement
2/7
ഭാഷയുടെ അതിർവരമ്പുകൾ കടന്ന് മലയാളി താരങ്ങൾ വരെ ബോളിവുഡിൽ ശ്രദ്ധേയമായ വേഷങ്ങൾ ചെയ്തു. തെന്നിന്ത്യൻ താരങ്ങളേയും പ്രാദേശിക ഭാഷകളും ഇരു കൈയ്യും നീട്ടി ബോളിവുഡ് സ്വീകരിച്ചതും ഈ വർഷം കണ്ടു.
advertisement
3/7
പ്രഭാസിന്റെ നായികയായി ബോളിവുഡ് താരം ശ്രദ്ധ കപൂർ സാഹോയിലൂടെ തെലുങ്കിലെത്തി. സോനം കപൂറിനൊപ്പം ദുൽഖർ സൽമാൻ ബോളിവുഡിൽ വീണ്ടും സാന്നിധ്യം അറിയിച്ചു. മഹേഷ് ബാബുവിന്റെ നായികയായി കിയാര അദ്വാനിയേയും പ്രേക്ഷകർ കണ്ടു. മലയാളത്തിൽ നിന്നും നീരജ് മാധവൻ, പേളി മാണി തുടങ്ങിയ താരങ്ങൾ ശ്രദ്ധേയ വേഷങ്ങളിലൂടെ ബോളിവുഡ് പ്രേക്ഷകരുടെ മനസ്സിൽ ഇടം നേടി. നീരജ് മാധവൻ അഭിനയിച്ച ആമസോൺ പ്രൈം സീരീസ് ഫാമിലി മാൻ മികച്ച പ്രതികരണമാണുണ്ടാക്കിയത്. പേളി മാണി അഭിനയിച്ച ലുഡോ നെറ്റ്ഫ്ലിക്സിൽ ഇപ്പോഴും ട്രെന്റിങ്ങാണ്.
advertisement
4/7
2021 ൽ തെന്നിന്ത്യയിലെ പ്രമുഖ താരങ്ങൾ ബോളിവുഡിൽ ആദ്യ ചിത്രവുമായി എത്തുകയാണ്. യുവാക്കളുടെ ഇഷ്ട താരമായ വിജയ് ദേവരകൊണ്ടയുടെ ബോളിവുഡ് അരങ്ങേറ്റമാണ് ഇതിൽ ഏറ്റവും ശ്രദ്ധേയം. വിജയ് നായകനായ അർജുൻ റെഡ്ഡിയുടെ ഹിന്ദി റീമേക്കായ കബീർ സിങ് കഴിഞ്ഞ വർഷത്തെ സൂപ്പർ ഹിറ്റ് ചിത്രങ്ങളിലൊന്നായിരുന്നു.
advertisement
5/7
പുരി ജഗന്നാഥ് സംവിധാനം ചെയ്യുന്ന വിജയ് ദേവരകൊണ്ടയുടെ പുതിയ ചിത്രത്തിൽ ബോളിവുഡ് താരം അനന്യ പാണ്ഡേയാണ് നായികയായി എത്തുന്നത്. ഫൈറ്റർ എന്ന് പേരിട്ടിരിക്കുന്ന ചിത്രത്തിലൂടെ വിജയ് തന്റെ ബോളിവുഡ് അരങ്ങേറ്റവും കുറിക്കുകയാണ് എന്നാണ് റിപ്പോർട്ടുകൾ.
advertisement
6/7
ഗീത ഗോവിന്ദം, കോമ്രേഡ് എന്നീ ചിത്രങ്ങളിലൂടെ നിരവധി ആരാധകരെ സ്വന്തമാക്കിയ രശ്മിക മന്ദാനയും ബോളിവുഡ് അരങ്ങേറ്റത്തിനായുള്ള ഒരുക്കത്തിലാണ്. സിദ്ധാർത്ഥ് മൽഹോത്ര നായകനാകുന്ന മിഷൻ മജ്നു എന്ന ചിത്രത്തിൽ നായികയാകുന്നത് രശ്മികയാണെന്നാണ് റിപ്പോർട്ടുകൾ. ചിത്രത്തിൽ റോ ഏജൻറായാണ് സിദ്ധാർത്ഥ് എത്തുന്നത്. സിനിമയിൽ രശ്മികയുടെ കഥാപാത്രത്തെ കുറിച്ചുള്ള വിവരങ്ങൾ പുറത്തു വന്നിട്ടില്ല.
advertisement
7/7
തെന്നിന്ത്യയിലെ ഏറ്റവും തിരക്കുള്ള നടിമാരിൽ ഒരാളാണ് സാമന്ത അക്കിനേനി. ഫാമിലിമാൻ സീസൺ 2 സീരീസിലൂടെ ബോളിവുഡിൽ ചുവടുവെക്കാനുള്ള ഒരുക്കത്തിലാണ് സാമന്ത. ചിത്രീകരണം പൂർത്തിയാക്കിയ സീരീസ് 2021 ൽ ആമസോൺ പ്രൈമിൽ പുറത്തിറങ്ങും. പ്രിയ മണിയും ചിത്രത്തിൽ പ്രധാന വേഷത്തിൽ എത്തുന്നുണ്ട്.
മലയാളം വാർത്തകൾ/Photogallery/Film/
തെന്നിന്ത്യ കടന്ന് ബോളിവുഡിലേക്ക്; 2021 ൽ ബോളിവുഡ് ചിത്രങ്ങളുമായി ഈ താരങ്ങൾ