ആ നടിക്കൊപ്പം അഭിനയിക്കാൻ മോഹൻലാൽ ആഗ്രഹിച്ചു; പക്ഷെ...

ഏറെക്കാലം മനസ്സിൽ സൂക്ഷിച്ചിരുന്ന ഒരു മോഹമുണ്ടായിരുന്നു മലയാളികളുടെ പ്രിയപ്പെട്ട ലാലേട്ടൻ എന്ന മോഹൻലാലിന്. തെന്നിന്ത്യൻ സിനിമ ആരാധിച്ച് പോന്ന താര സുന്ദരിക്കൊപ്പം അഭിനയിക്കുക

മോഹൻലാലിന്റെ ആ ആഗ്രഹം തുറന്ന് പറഞ്ഞത് മറ്റാരുമല്ല, നടി മേനകയാണ്. മോഹൻലാലിന്റെ സിനിമയിലെ 41 വർഷങ്ങൾ ആഘോഷിക്കുന്ന വേളയിലാണ് ആ രഹസ്യം മേനക വെളിപ്പെടുത്തിയത്

അടുത്തിടെ നടന്ന 1980കളിലെ താരങ്ങളുടെ ഒത്തുചേരലിലും മോഹൻലാലും മേനകയും രസകരമായി ചുവടുവയ്ക്കുന്ന വീഡിയോ പുറത്തിറങ്ങിയിരുന്നു

തെന്നിന്ത്യയുടെ പകരംവയ്ക്കാനില്ലാത്ത താര റാണി ശ്രീദേവിക്കൊപ്പം അഭിനയിക്കുക എന്ന ആഗ്രഹം ലാലേട്ടന്റെ മനസ്സിൽ ഉണ്ടായിരുന്നു. എന്നാൽ ശ്രീദേവിയുടെ ആകസ്മിക മരണം അത് ഒരിക്കലും നടക്കാത്ത ആഗ്രഹമായി നിലനിർത്തി. ഒരുപക്ഷെ അവർ വെള്ളിത്തിരയിൽ ഒന്നിച്ചേനെ, ഈ സ്വപ്ന സിനിമ സാക്ഷാത്കരിച്ചിരുന്നെങ്കിൽ

രാജമൗലിയുടെ ചിത്രത്തിൽ മോഹൻലാലും ശ്രീദേവിയും നായികാ നായകന്മാരാകും എന്ന വാർത്ത വന്നിരുന്നു. അതിനു പിന്നാലെയാണ് ശ്രീദേവിയുടെ ആകസ്മിക മരണം. ബാഹുബലിക്ക് ശേഷം രാജമൗലി സംവിധാനം ചെയ്യും എന്നായിരുന്നു റിപ്പോർട്ട്