Parineeti Chopra | പരിണീതി ചോപ്ര ഇത്ര വലിയ പഠിപ്പിസ്റ്റോ? പ്ലസ് ടുവിന് ഉയർന്ന മാർക്ക് വാങ്ങി രാജ്യത്തെ ടോപ്പർമാരിൽ ഒരാൾ

അടുത്തിടെ സൈന നൈവാളിന്റെ ജീവിത കഥ പറഞ്ഞ ചിത്രത്തിൽ സൈനയായി വേഷമിട്ടു പ്രശംസ പിടിച്ചുപറ്റിയ താരമാണ് ബോളിവുഡ് സുന്ദരി പരിണീതി ചോപ്ര. കുറച്ചു ദിവസങ്ങൾക്കു മുൻപ് തുർക്കിയിൽ പോയി അവിടുത്തെ ബീച്ച് ലൈഫ് ആസ്വദിക്കുന്ന ചിത്രം പരിണീതി ഇൻസ്റ്റഗ്രാമിൽ പോസ്റ്റ് ചെയ്തിരുന്നു

പുതു തലമുറയിലെ ബോളിവുഡ് താരങ്ങൾ മികച്ച വിദ്യാഭ്യാസം നേടിയ ശേഷം അഭിനയം തിരഞ്ഞെടുക്കുന്നവരാണ്. അക്കൂട്ടത്തിലാണ് പരിണീതിയും. ഇംഗ്ലണ്ടിലെ മാഞ്ചെസ്റ്റർ ബിസിനസ് സ്കൂളിൽ നിന്നും ബിസിനസ്, ഫിനാൻസ്, എക്കണോമിക്സ് എന്നിവയിൽ ട്രിപ്പിൾ ഓണേഴ്‌സ് ഡിഗ്രി സ്വന്തമാക്കിയിട്ടുണ്ട് പരിണീതി. ഇതൊന്നുമല്ല. പരിണീതി പ്ലസ് ടുവിന് നേടിയ മാർക്ക് ആരെയും അമ്പരപ്പിക്കും. ഒരു ആരാധകന്റെ ചോദ്യത്തിന് പരിണീതി നൽകിയ മറുപടിയിലാണ് ആ മാർക്ക് എത്രയെന്നു വെളിപ്പെടുത്തിയത് (തുടർന്ന് വായിക്കുക)

അന്ന് ഇന്ത്യയിൽ തന്നെ ഉയർന്ന സ്കോർ നേടിയവരിൽ ഒരാളായിരുന്നു പരിണീതി. എക്കണോമിക്സ് ആയിരുന്നു വിഷയം. പരിണീതിയുടെ മാർക്ക് തന്നെയാണ് ഈ നേട്ടം കൈവരിക്കാൻ ഇടയാക്കിയതും

97 ശതമാനമായിരുന്നു പരിണീതി ചോപ്രയുടെ മാർക്ക്. കൂടാതെ താരത്തിന് ഹിന്ദുസ്ഥാനി സംഗീതത്തിൽ ബി.എ. ഓണേഴ്‌സ് ബിരുദവുമുണ്ട്

ഒരു നിർമ്മാണ കമ്പനിയിൽ ഇന്റേൺഷിപ് ചെയ്യുന്നതിനിടെ തീർത്തും യാദൃശ്ചികമായാണ് പരിണീതി അഭിനയ രംഗത്തെത്തുന്നത്. കസിനായ പ്രിയങ്ക ചോപ്രയാണ് പരിണീതിയെ ഇന്റേൺഷിപ്പിന്റെ ഭാഗമായി സിനിമാലോകത്തെത്തിച്ചത്

സൈന നേവാളും പരിണീതി ചോപ്രയും. ഒട്ടേറെ പ്രയത്നങ്ങൾക്കൊടുവിലാണ് സ്‌ക്രീനിൽ സൈനയായി പരിണീതി നിറഞ്ഞാടിയത്