COVID 19| സൗദിയില്‍ ആറു പേർ കൂടി മരിച്ചു; രോഗബാധിതർ 10000 കടന്നു

റിയാദ്: കഴിഞ്ഞ ദിവസം ആറ് മരണങ്ങൾ കൂടി റിപ്പോർട്ട് ചെയ്യപ്പെട്ടതോടെ സൗദിയിൽ കോവിഡ് 19 ബാധിച്ച് മരിച്ചവരുടെ എണ്ണം 103 ആയി

1122പേർക്കാണ് കഴി‍ഞ്ഞ 24 മണിക്കൂറിനിടെ രോഗം സ്ഥിരീകരിച്ചത്.

ഇതോടെ സൗദിയിൽ ആകെ രോഗബാധിതരുടെ എണ്ണം 10484 ആയി

ചികിത്സയിൽ തുടരുന്നവരിൽ 88പേരുടെ നില ഗുരുതരമാണെന്നാണ് ആരോഗ്യ വകുപ്പ് അധികൃതർ അറിയിച്ചിരിക്കുന്നത്. 

8891 പേരാണ് നിലവില്‍ ചികിത്സയിൽ തുടരുന്നത്.  ഇതിൽ രണ്ട് മാസം മുതല്‍ 96 വയസ് വരെ പ്രായം ഉള്ളവരുണ്ടെന്നാണ് ആരോഗ്യ മന്ത്രാലയം വക്താവ് ഡോ.മുഹമ്മദ്  അൽ അബദ് അൽ അലി അറിയിച്ചിരിക്കുന്നത്. 

ഹൈറിസ്ക് മേഖലകളിൽ പരിശോധനകള്‍ നടത്തി എത്രയും വേഗം തന്നെ രോഗികളെ തിരിച്ചറിയുന്ന രീതിയാണ് നിലവില്‍ പിന്തുടരുന്നത്

പുതിയതായി രോഗം സ്ഥിരീകരിച്ചതില്‍ ഭൂരിഭാഗം പേരെയും ഇത്തരത്തിലെ പരിശോധനയിലൂടെയാണ് കണ്ടെത്തിയതെന്നും വക്താവ് അറിയിച്ചു

രോഗം സ്ഥിരീകരിച്ചവരില്‍ 27%പേരാണ് സ്വദേശികൾ. ബാക്കി 73% പ്രവാസികളാണെന്നും അദ്ദേഹം അറിയിച്ചു.