Divorce | കൈകാലുകൾ കെട്ടിയിട്ട്, നിശ്ശബ്ദയാക്കിയ ശേഷം ശാരീരികബന്ധം; യുവതിക്ക് വിവാഹമോചനം അനുവദിച്ച് കോടതി

ഭർത്താവിന്റെ ക്രൂരകൃത്യത്തിനെതിരെ പരാതിപ്പെട്ട ഭാര്യക്ക് വിവാഹമോചനം അനുവദിച്ച് കോടതി (court granted divorce to woman). 22 കാരിയായ വിവാഹിതയാണ് കുടുംബ കോടതിയിൽ വിവാഹമോചനത്തിന് അപേക്ഷ നൽകിയത്. ഭർത്താവ് മദ്യത്തിന് അടിമയാണെന്നും ലൈംഗികബന്ധത്തിൽ ഏർപ്പെടാൻ വിസമ്മതിച്ചപ്പോൾ തന്നെ ബലാത്സംഗം ചെയ്യാറുണ്ടെന്നും യുവതി പരാതിയിൽ പറയുന്നു

ഭർത്താവ് തന്നെ കൈയും കാലും കെട്ടി ശാരീരിക പീഡനത്തിന് നിർബന്ധിക്കാറുണ്ടെന്നും താൻ ഒച്ചയുണ്ടാക്കാതിരിക്കാൻ വായിൽ തുണി തിരുകിയെന്നും ഇര അപേക്ഷയിൽ പറയുന്നു. തുടർന്ന് യുവതിക്ക് ആശ്വാസമാകും വിധം കോടതി വിവാഹമോചനം അനുവദിക്കുകയും ചെയ്തു (തുടർന്ന് വായിക്കുക)

ഭാര്യയുടെ ഇഷ്ടത്തിന് വിരുദ്ധമായി കൈകാലുകൾ ബന്ധിച്ച് ലൈംഗികബന്ധത്തിൽ ഏർപ്പെടുന്നത് ക്രൂരതയാണെന്ന് ചൂണ്ടിക്കാട്ടിയാണ് നാഗ്പൂർ കുടുംബകോടതി വിവാഹമോചനം അനുവദിച്ചത്

നാഗ്പൂരിലെ വാദി പ്രദേശത്തെ 22 കാരിയാണ് കുടുംബ കോടതിയിൽ വിവാഹമോചന ഹർജി നൽകിയത്. 2017ൽ ഇരുവരും വിവാഹിതരായി.ഭർത്താവ് മദ്യത്തിന് അടിമയായിരുന്നു. ഇത് പലപ്പോഴും ഇവർ തമ്മിൽ വാക്കുതർക്കത്തിന് ഇടയാക്കിയിരുന്നു

താനുമായി ലൈംഗിക ബന്ധത്തിൽ ഏർപ്പെടുന്നത് സമ്മതിക്കാൻ ഭർത്താവ് ഭാര്യയെ നിർബന്ധിക്കാറുണ്ടായിരുന്നു

ഭർത്താവ് യുവതിയുടെ കൈകാലുകൾ കെട്ടിയിട്ട് ലൈംഗികബന്ധം സ്ഥാപിച്ചു. ഒച്ചയുണ്ടാക്കാതിരിക്കാൻ വായിൽ തുണി വെച്ചതിന് ഇയാൾക്കെതിരെ കേസെടുത്തിട്ടുണ്ട്