Pre wedding photography in KSRTC | ആനവണ്ടിയിൽ പ്രീ വെഡ്ഡിംഗ് ഫോട്ടോ ഷൂട്ട്; കെഎസ്ആർടിസി ഡബിൾ ഡക്കറിലെ ആദ്യ ഫോട്ടോഷൂട്ട് ഇതാ

തിരുവനന്തപുരം: വിവാഹ ഫോട്ടോ ഷൂട്ടിനും പ്രീ വെഡ്ഡിംഗ്, സേവ് ദി ഡേറ്റ് ഫോട്ടോ ഷൂട്ടിനുമല്ലാം ഇനി ലൊക്കേഷൻ തേടി അലയേണ്ടതില്ല. നേരെ തിരുവനന്തപുരം കെഎസ്ആർടിസിയിലേയ്ക്ക് വീട്ടാൽ മതി.

ഡബിൾ ഡക്കറിൽ രാജകീയമായി തന്നെ ഫോട്ടോ ഷൂട്ട് നടത്താം. നാലായിരം രൂപയാണ് വാടക.ആദ്യ ഫോട്ടൊ ഷൂട്ട് കഴിഞ്ഞു.

2021 ജനുവരി 18 ന് വിവാഹം ഉറപ്പിച്ച വാമനപുരം സ്വദേശി ​ഗണേഷും, ഈഞ്ചയ്ക്കൽ സ്വദേശിനി ലക്ഷ്മിയുമാണ് തലസ്ഥാന ന​ഗരയിൽ രാജപ്രൗഡിയിൽ സർവ്വീസ് നടത്തിയ ഡബിൽ ഡക്കർ ബസിലെ ആദ്യ ഫോട്ടോഷൂട്ട് നടത്തിയത്.

എട്ട് മണിക്കൂറിന് 4000 രൂപ വാടക നൽകിയാൽ 50 കിലോ മീറ്റർ ദൂരത്തിൽ ഈ സർവ്വീസ് ഉപയോഗപ്പെടുത്താനാകും. അധികമുള്ള കിലോമീറ്ററുകൾക്ക് അധിക വാടകകൂടി നൽകണം. വരുന്ന ഡിസംബർ വരെയാണ് ഈ ഡിസ്കൗണ്ട് നിരക്ക് നിശ്ചയിച്ചിരിക്കുന്നത്.

ഏജന്റുമാർക്കും, ബുക്ക് ചെയ്യുന്നവർക്കും പ്രത്യേക കമ്മീഷൻ വ്യവസ്ഥയിലും പദ്ധതി നടപ്പിലാക്കുന്നുണ്ട്. കെ.എസ്.ആർ.ടി.സിയുടെ ടിക്കറ്റേതര വരുമാന വർദ്ധനവിന് വേണ്ടിയാണ് ഇത്തരം പദ്ധതി കെഎസ്ആർടിസി ആവിഷ്കരിച്ച് നടപ്പിലാക്കിയത്.

ഈ ബസിൽ വിവാഹ പ്രീവെഡിം​ഗ്, പോസ്റ്റ് വെഡിം​ഗ് ഷൂട്ടുകൾക്കും, ബർത്ത് ഡേ ഉൾപ്പെടെയുള്ള പാർട്ടികൾക്കും വാടകയ്ക്ക് നൽകും.ബസിന്റെ രണ്ടാം നിലയിൽ ആഘോഷങ്ങൾക്കും താഴത്തെ നിലയിൽ കുടുംബങ്ങളോടൊപ്പമുള്ള യാത്രക്കുമായി അവസരം.

ലണ്ടനിലെ ആഫ്റ്റർ നൂൺ ടീ ബസ് ടൂറിന്റെ മാതൃകയിൽ ആണ് കെ.എസ്.ആർ.ടി.സി ഈ പദ്ധതി നടപ്പിലാക്കുന്നത്. തിരുവനന്തപുരത്ത് ഇതിനകം നിരവധി ഏജൻസികൾ ഫോട്ടോ ഷൂട്ടിന് വേണ്ടി ബസ് ബുക്ക് ചെയ്ത് കഴിഞ്ഞതായി കെഎസ്ആർടിസി അധികൃതർ അറിയിച്ചു.