ട്രിവാൻഡ്രം ഹാപ്പിയാണ്...
Last Updated:
ബോർഡ് ഗെയിമുകൾ, ആർച്ചറി, പെനാൽറ്റി കിക്ക് ചലഞ്ച്, ബാൻഡ് പെർഫോർമൻസ്, ഫുഡ്സ്റ്റോൾ, ടാറ്റു കോർണറുകൾ ഒക്കെ ഉണ്ടായിരുന്നു. ഇവയിലെല്ലാം കുട്ടികളും മുതിർന്നവരും ഒരുമിച്ച് പങ്കെടുത്ത് ഇവൻ്റ് ഒരു ആഘോഷമാക്കി.
advertisement
1/7

തിരുവനന്തപുരം ജില്ലാ ഭരണകൂടവും യംഗ് ഇന്ത്യൻസും ചേർന്ന് നടത്തിയ ഇവൻ്റായ ഹാപ്പി ട്രിവാൻഡ്രം വേറിട്ട ഒരനുഭവം തലസ്ഥാന നഗരിക്ക് സമ്മാനിച്ചു. മാനവീയം വീഥിയിൽ ആണ് പരിപാടി നടന്നത്. മൊബൈൽ ഫോൺ, ടെലിവിഷൻ, ലാപ്ടോപ് തുടങ്ങിയ സ്ക്രീനുകൾക്ക് മുന്നിൽ ചെലവഴിക്കുന്ന സമയം കുറച്ച്, ആളുകളുമായി ഇടപഴകുകയും ഉല്ലസിക്കുകയും ചെയ്യേണ്ടത്തിൻ്റെ ആവശ്യകത മനസ്സിലാക്കിയാണ് പദ്ധതി വിഭാവനം ചെയ്തിരിക്കുന്നത്.
advertisement
2/7
ബോർഡ് ഗെയിമുകൾ, ആർച്ചറി, പെനാൽറ്റി കിക്ക് ചലഞ്ച്, ബാൻഡ് പെർഫോർമൻസ്, ഫുഡ്സ്റ്റോൾ, ടാറ്റു കോർണറുകൾ ഒക്കെ ഉണ്ടായിരുന്നു. ഇവയിലെല്ലാം കുട്ടികളും മുതിർന്നവരും ഒരുമിച്ച് പങ്കെടുത്ത് ഇവൻ്റ് ഒരു ആഘോഷമാക്കി.
advertisement
3/7
സ്നേക്ക് ആൻഡ് ലാഡർ സാധാരണ നമ്മൾ കളിക്കുന്നതിൽ നിന്നും അല്പം വ്യത്യാസം വരുത്തിയായിരുന്നു. ഡൈസ് ഇട്ട് കളി തുടങ്ങിയാൽ കരുക്കളായി കളിക്കാർ തന്നെ കയറി നിൽക്കും. റോഡിൽ അത്രയും വലിയ സ്നേക്ക് ആൻഡ് ലാഡർ ആണ് ക്രമീകരിച്ചിരുന്നത്. ഇനി ഡൈസ് നോക്കി കരുക്കളായി കളിക്കാർ കയറുന്ന കോളത്തിൽ എഴുതിയിരിക്കുന്ന നിർദ്ദേശങ്ങൾക്കനുസരിച്ചാണ് ചലിക്കേണ്ടത്. ഈ നിർദ്ദേശങ്ങൾ മാലിന്യ സംസ്ക്കരണവുമായി ബന്ധപ്പെട്ടതായിരുന്നു. ഏണിയിൽ കയറിയും പാമ്പ് വിഴുങ്ങിയും വളരെ രസകരമായ കളിയായിരുന്നു.
advertisement
4/7
വളരെ കൗതുകമുണർത്തിയ മറ്റൊരു കാഴ്ച ഫേസ് പെയിൻ്റിങ് ആണ്. ആൺ കുട്ടികളും പെൺ കുട്ടികളും വളരെ സന്തോഷത്തോടെ മുഖത്തൊക്കെ ചായം തേയ്ച് നിൽക്കുന്ന കാഴ്ച ഏവരിലും കൗതുകമുണർത്തി.
advertisement
5/7
മറ്റൊരു വ്യത്യസ്തമായ കാഴ്ച പോസ്റ്റ് ബോക്സും പോസ്റ്റ് കാർഡുകളുമായിരുന്നു. പോസ്റ്റ് കാർഡിൽ സന്ദേശം എഴുതി നമ്മുക്ക് പ്രിയപ്പെട്ട ആരുടെയെങ്കിലും അഡ്രസും എഴുതി പോസ്റ്റ് ബോക്സിൽ ഇട്ടാൽ ഇന്ത്യയിൽ എവിടെയും എത്തിക്കാൻ സംഘാടകർ തയ്യാറായിരുന്നു. ഇത് മുതിർന്നവരിൽ ഗൃഹാതുരതയും കുട്ടികളിൽ കൗതുകവും ഉണർത്തി.
advertisement
6/7
പാട്ടും ഡാൻയും ഒക്കെയായി ആളുകളുടെ മാനസികാരോഗ്യം മെച്ചപ്പെടുത്താനും അവരെ സന്തോഷിപ്പിക്കാനും വേണ്ടിയാണ് ഇത്തരം ഒരു പ്രവർത്തനം തുടങ്ങി വച്ചത്.
advertisement
7/7
ജില്ലാ കളക്ടർ അനുകുമാരി, അസിസ്റ്റൻ്റ് കളക്ടർ സാക്ഷി മോഹൻ എന്നിവരും പരിപാടിയിൽ പങ്കെടുക്കുകയും ഗെയിമുകളിൽ പങ്കാളിയാവുകയും ചെയ്തു. 'ഹാപ്പി ട്രിവാൻഡ്രം' സംഘടിപ്പിക്കുന്ന ദിവസങ്ങൾ നേരത്തെ അറിയിക്കുന്നതാണ് എന്ന് കളക്ടർ ഫെസ്ബുക്ക് പോസ്റ്റിലൂടെ അറിയിച്ചു.