തിരുവനന്തപുരത്തെ കോവിഡ‍് ആശുപത്രി; പ്രതിഷേധവുമായി യുഡിഎഫും ബിജെപിയും; സുരക്ഷാക്രമീകരണങ്ങൾ ഇല്ലെന്ന് ആരോപണം

തിരുവനന്തപുരം പേരൂർക്കട ജില്ലാ ആശുപത്രിയെ കോവിഡ് ആശുപത്രിയായി മാറ്റുന്നതിന് എതിരെ പ്രതിഷേധം.  യുഡിഎഫും ബിജെപിയും ആശുപത്രിയ്ക്ക്മുന്നിൽ പ്രതിഷേധ ധർണ്ണ നടത്തി.

കോവിഡ് ചികിത്സയ്ക്കുള്ള സുരക്ഷാ ക്രമീകരണങ്ങൾ പേരൂർക്കട സർക്കാർ‌ ആശുപത്രയിൽ ഇല്ലെന്നാണ് ആരോപണം.

കോവിഡ് രോഗികളെ പ്രവേശിപ്പിക്കും മുൻപ് ഐസിയു, കാർഡിയോളജി, തുടങ്ങിയ വിഭാഗങ്ങൾ ആരംഭിക്കണമെന്ന് യുഡിഎഫ് സംഘടിപ്പിച്ച ധർണ്ണയിൽ പ്രതിപക്ഷ നേതാവ് ആവശ്യപ്പെട്ടു.

കോവിഡ് ചികിത്സ താളം തെറ്റിയെന്ന് പ്രതിഷേധത്തിൽ പങ്കെടുത്ത കെ മുരളീധരൻ എംപി യും ആരോപിച്ചു.

സർക്കാർ ജനങ്ങളുടെ ജീവൻ വച്ച് പന്താടുകയാണെന്ന് ബിജെപി ആരോപിച്ചു.

കൊറോണ രോഗികളെ പ്രവേശിപ്പിക്കുമ്പോൾ മറ്റ് രോഗികളുടെ സുരക്ഷ ഉറപ്പാക്കണമെന്നും ബിജെപി സംസ്ഥാന അധ്യക്ഷൻ കെ സുരേന്ദ്രൻ ആവശ്യപ്പെട്ടു.

 തീരുമാനം ഉപേക്ഷിച്ച് ചർച്ചയിലൂടെ ഉചിതമായ തീരുമാനമെടുക്കണമെന്നും യുഡിഎഫും ബിജെപിയും ആവശ്യപ്പെട്ടു.