എംവിഡി പിഴയിട്ടു; നാട്ടുകാര് റോബിന് ബസിനെ 'ഹീറോ' ആക്കി വരവേൽപ് നൽകി
- Published by:Arun krishna
- news18-malayalam
Last Updated:
മോട്ടോര് വാഹന വകുപ്പുമായി ഏറ്റുമുട്ടല് പ്രഖ്യാപിച്ച് സമൂഹ മാധ്യമങ്ങളിൽ ശ്രദ്ധ നേടിയ റോബിൻ ബസ് കോയമ്പത്തൂരിലേക്കുള്ള യാത്രയ്ക്കിടെ എംവിഡി തടഞ്ഞിരുന്നു
advertisement
1/8

അന്തര് സംസ്ഥാന സര്വീസ് തുടങ്ങിയതിന് പിന്നാലെ മോട്ടോര് വാഹന വകുപ്പ് പിഴ ചുമത്തിയ റോബിന് ബസിന് വമ്പന് സ്വീകരണം ഒരുക്കി നാട്ടുകാര്.
advertisement
2/8
പാലാ തൊടുപുഴ റോഡില് കൊല്ലപ്പള്ളിയില് എത്തിയപ്പോഴാണ് ആരാധകര് ചേര്ന്ന് റോബിന് ബസിനെയും ഉടമ ബേബി ഗിരിഷിനെയും സ്വീകരിച്ചത്. മാല അണിയിച്ചും മിഠായി വിതരണം ചെയ്തുമാണ് റോബിന് ബസിന്റെ വരവ് നാട്ടുകാര് ആഘോഷിച്ചത്
advertisement
3/8
മോട്ടോര് വാഹന വകുപ്പുമായി ഏറ്റുമുട്ടല് പ്രഖ്യാപിച്ച് സമൂഹ മാധ്യമങ്ങളിൽ ശ്രദ്ധ നേടിയ റോബിൻ ബസ് കോയമ്പത്തൂരിലേക്കുള്ള യാത്രയ്ക്കിടെ എംവിഡി തടഞ്ഞിരുന്നു. പെര്മിറ്റ് ചട്ട ലംഘനം ചൂണ്ടിക്കാട്ടി 7500 രൂപയുടെ പിഴയാണ് എംവിഡി ചുമത്തിയത്
advertisement
4/8
ചലാന് നല്കിയെങ്കിലും എംവിഡി ഉദ്യോഗസ്ഥര് വാഹനം പിടിച്ചെടുത്തില്ല. പിഴ അടയ്ക്കാതെ തന്നെ ബസ് യാത്ര തുടരാന് എംവിഡി അനുവദിച്ചതോടെ അരമണിക്കൂര് വൈകിയാണ് ബസിന്റെ യാത്ര തുടര്ന്നത്.
advertisement
5/8
കഴിഞ്ഞ ഓഗസ്റ്റ് 30നാണ് റോബിൻ ബസ് പത്തനംതിട്ടയിൽ നിന്നും കോയമ്പത്തൂരേക്ക് സർവീസ് ആരംഭിച്ചത്. സെപ്റ്റംബർ ഒന്നിന് രാവിലെ റാന്നിയിൽ വച്ച് മോട്ടോർ വാഹനവകുപ്പ് നടത്തിയ പരിശോധനയിൽ ഉദ്യോഗസ്ഥർ ബസിന്റെ ഫിറ്റ്നസ് റദ്ദാക്കി.
advertisement
6/8
തുടർന്ന് 45 ദിവസങ്ങൾക്ക് ശേഷം ഫിറ്റ്നസ് ടെസ്റ്റ് പാസായി ബസ് ഒക്ടോബർ 16ന് വീണ്ടും സർവീസ് തുടങ്ങി. റാന്നിയിൽ വച്ച് ബസ് വീണ്ടും എംവിഡി പിടികൂടിയതോടെ കേസ് കോടതിയിലെത്തി. പിന്നാലെ കോടതി ഉത്തരവിനെ തുടർന്നാണ് ബസ് ഉടമയ്ക്ക് വിട്ടുനൽകിയത്.
advertisement
7/8
പത്തനംതിട്ട – കോയമ്പത്തൂർ ട്രിപ്പിൽ റാന്നി, എരുമേലി, കാഞ്ഞിരപ്പള്ളി, ഈരാറ്റുപേട്ട, പാല, തൊടുപുഴ, മൂവാറ്റുപുഴ, പെരുമ്പാവൂർ, അങ്കമാലി, തൃശൂർ, പാലക്കാട് എന്നിങ്ങനെ സ്റ്റോപ്പുകളുണ്ട്. തിരിച്ചുള്ള സർവ്വീസിൽ പാലക്കാട് മാത്രമാണ് സ്റ്റോപ്പുള്ളത്.
advertisement
8/8
ഹൈക്കോടതിയുടെ സംരക്ഷണം വാങ്ങിയാണ് നിരത്തിലിറങ്ങുന്നതെന്ന് കഴിഞ്ഞ ദിവസം ഉടമ വ്യക്തമാക്കിയിരുന്നു. എന്നാല് ടൂറിസ്റ്റ് പെര്മിറ്റുള്ള ബസ് സ്റ്റേജ് ക്യാരേജ് ആയി ഓടാന് അനുവദിക്കില്ലെന്ന നിലപാടിലാണ് ഇപ്പോഴും മോട്ടോര് വാഹന വകുപ്പ്. പിഴ ചുമത്തിയ ശേഷവും യാത്ര തുടരുന്ന ബസിനെ പാലാ ഇടപ്പാടിയില് വെച്ച് എംവിഡി വീണ്ടും തടഞ്ഞു
മലയാളം വാർത്തകൾ/Photogallery/Money/Auto/
എംവിഡി പിഴയിട്ടു; നാട്ടുകാര് റോബിന് ബസിനെ 'ഹീറോ' ആക്കി വരവേൽപ് നൽകി