Samsung Galaxy S25: കാത്തിരിപ്പിനൊടുവിൽ സാംസങ് ഗാലക്‌സി എസ്‌ 25 സീരീസ് ഇന്ത്യയിൽ; കിടിലൻ ക്യാമറയും ഒപ്പം എഐ ഫീച്ചറുകളും

ഇന്ത്യൻ ടെക്ക് പ്രേമികളുടെ കാത്തിരിപ്പിന് വിരാമമിട്ടുകൊണ്ട് ഗാലക്സി എസ് 25 സീരീസ് (Samsung Galaxy S25 Series) ഇന്ത്യയില്‍ അവതരിപ്പിച്ചു. സ്റ്റാന്‍ഡേര്‍ഡ്, പ്ലസ്, അള്‍ട്രാ എന്നിങ്ങനെ മൂന്ന് മോഡലുകളാണ് എസ്25 സീരീസില്‍ സാംസങ് പുറത്തിറക്കിയിരിക്കുന്നത്. ഇന്ന് മുതല്‍ ഇന്ത്യയിലെ ഉപഭോക്താക്കള്‍ക്ക് സാംസങിന്റെ പുതിയ മോഡല്‍ സ്മാര്‍ട്ട്ഫോണുകള്‍ മുന്‍കൂട്ടി ബുക്ക് ചെയ്യാന്‍ കഴിയും.സ്നാപ്ഡ്രാഗണ്‍ 8 എലൈറ്റ് ചിപ്സെറ്റോട് കൂടിയാണ് ഗാലക്സി എസ് 25 സീരീസുകള്‍ എത്തിയിരിക്കുന്നത്. 12ജിബി റാമും ഒരു ടിബി വരെ സ്റ്റോറേജും ഉണ്ട്. നവീകരിച്ച 50 മെഗാപിക്‌സല്‍ അള്‍ട്രാവൈഡ് ക്യാമറയും പുതിയ സീരീസിലെ പ്രധാന സവിശേഷതയാണ്.

ഗാലക്‌സി എസ്25 സ്റ്റാന്‍ഡേര്‍ഡ് സീരീസില്‍ 12 ജിബി റാമും 256 ജിബി സ്റ്റോറേജും വരുന്ന മോഡലിന് 80999 രൂപയാണ് വിലവരുന്നത്. ഈ മോഡലില്‍ 12 ജിബി റാമും 512 ജിബി സ്‌റ്റോറേജും വരികയാണെങ്കില്‍ 92999 രൂപ വിലവരും. ഐസിബ്ലൂ, സില്‍വര്‍ ഷാഡോ, നേവി,മിന്റ് കളറുകളിലായി ഇവ ലഭ്യമാകും.ഗാലക്‌സി എസ്25 പ്ലസ് മോഡലിലും 256 ജിബി സ്‌റ്റോറേജും 512 ജിബി സ്‌റ്റോറേജും ഉള്ള ഫോണുകള്‍ ഇറങ്ങുന്നുണ്ട്. എല്ലാത്തിലും 12 ജിബി റാം തന്നെയാണുള്ളത്. ഈ മോഡലില്‍ 256 ജിബി സ്‌റ്റോറേജ് വരുന്നതിന് 99,999 രൂപയും 512 ജിബി വരുന്നതിന് 1,11,999 രൂപയുമാണ് വിലവരുന്നത്. നേവി സില്‍വര്‍ ഷാഡോ കളറുകളിലാണ് എസ്25 പ്ലസ് മോഡലുകളുള്ളത്.ഗാലക്‌സി എസ്25 അള്‍ട്രാ മോഡലില്‍ 256 ജിബി, 512 ജിബി, ഒരു ടി.ബി എന്നീ സ്‌റ്റോറേജുകളില്‍ വരുന്നുണ്ട്. 12 ജിബി റാം തന്നെയാണ് ഇതിലെല്ലാം ഉള്ളത്. 256 ജിബി സ്‌റ്റോറേജ് വരുന്ന ഫോണുകള്‍ ടൈറ്റാനിയും സില്‍വര്‍ബ്ലൂ, ടൈറ്റാനിയം ഗ്രേ, ടൈറ്റാനിയും വൈറ്റ്‌സില്‍വര്‍, ടൈറ്റാനിയം ബ്ലാക് കളറുകളില്‍ ലഭ്യമാകും. 129999 രൂപയാണ് വില. 512 ജിബി സ്റ്റോറേജിലും ഈ കളറുകളിലുള്ള ഫോണുകള്‍ കിട്ടും. 14,1999 രൂപ വില വരും. ഒരു ടിബി സ്‌റ്റോറേജ് വരുന്ന ഫോണ്‍ ടൈറ്റേനിയം സില്‍വര്‍ ബ്ലൂവിലാകും ലഭ്യമാകുക. 165999 രൂപയാണ് ഇതിന്റെ വില. മുന്‍വര്‍ഷത്തെ മോഡലിനെ അപേക്ഷിച്ച് പുതിയ അപ്‌ഡേറ്റിൽ സംസങ് നേരിയ വിലവര്‍ധനവ് വരുത്തിയിട്ടുണ്ട്.

സാംസങ് ഗ്യാലക്സി എസ്25 അള്‍ട്ര- സ്പെസിഫിക്കേഷന്‍സ് : 6.9 ഇഞ്ച് ക്യുഎച്ച്ഡി+ ഡൈനാമിക് അമോല്‍ഡ് 2എക്സ് ഡിസ്പ്ലെ, 120Hz റിഫ്രഷ് റേറ്റ്, ക്വാല്‍കോം സ്നാപ്ഡ്രാഗണ്‍ 8 എലൈറ്റ് ചിപ്പ്, 12 ജിബി റാം, 256 ജിബി, 512 ജിബി, 1 ടിബി സ്റ്റോറേജ് വേരിയന്‍റുകള്‍, 200 എംപി റീയര്‍ ക്യാമറ (OIS), 50 എംപി അള്‍ട്രാ-വൈഡ്, 50 എംപി ടെലിഫോട്ടോ (5x), 10 എംപി ടെലിഫോട്ടോ (3x) സൂം, 12 എംപി സെല്‍ഫി ക്യാമറ, 5000 എംഎഎച്ച് ബാറ്ററി, 30 മിനിറ്റ് കൊണ്ട് 65 ശതമാനം ചാര്‍ജ്, 45 വാട്സ് അഡാപ്റ്റര്‍, വയര്‍ലെസ് ചാര്‍ജിംഗ് സപ്പോര്‍ട്ട്, ആന്‍ഡ്രോയ്ഡ് 15 അടിസ്ഥാനത്തിലുള്ള വണ്‍ യുഐ 7, ഐപി 68 റേറ്റിംഗ് എന്നിവയാണ് ഗ്യാലക്സി എസ്25 അള്‍ട്രയുടെ പ്രത്യേകതകള്‍.

സാംസങ് ഗ്യാലക്സി എസ്25 പ്ലസ്- സ്പെസിഫിക്കേഷന്‍സ്: 6.7 ഇഞ്ച് ക്യുഎച്ച്‌ഡി+ ഡൈനാമിക് അമോല്‍ഡ് 2xഎ ഡിസ്പ്ലെ, 120Hz റിഫ്രഷ് റേറ്റ്, സ്നാപ്‌ഡ്രാഗണ്‍ 8 എലൈറ്റ് ചിപ്പ്, 12 ജിബി റാം, 256 ജിബി, 512 ജിബി സ്റ്റോറേജ്, 50 എംപി പ്രൈമറി (OIS) റീയര്‍ ക്യാമറ, 12 എംപി അള്‍ട്രാ-വൈഡ്, 10 എംപി ടെലിഫോട്ടോ (3x സൂം), 12 എംപി സെല്‍ഫി ക്യാമറ, 4900 എംഎഎച്ച് ബാറ്ററി, 45 വാട്സ് അഡാപ്റ്റര്‍, വയര്‍ലെസ് ചാര്‍ജിംഗ് സപ്പോര്‍ട്ട്, ആന്‍ഡ്രോയ്ഡ് 15 അടിസ്ഥാനത്തിലുള്ള വണ്‍ യുഐ 7, ഐപി 68 റേറ്റിംഗ് എന്നിവയാണ് ഗ്യാലക്സി എസ്25 പ്ലസിന്‍റെ സവിശേഷതകള്‍.

സാംസങ് ഗ്യാലക്സി എസ്25 - സ്പെസിഫിക്കേഷന്‍സ് :6.2 ഇഞ്ച് എഫ്എച്ച്‌ഡി+ ഡൈനാമിക് അമോല്‍ഡ‍് 2എക്സ് ഡിസ്പ്ലെ, 120Hz റിഫ്രഷ് റേറ്റ്, സ്നാപ്ഡ്രാഗണ്‍ 8 എലൈറ്റ് ചിപ്പ്, 12 ജിബി റാം, 128 ജിബി, 256 ജിബി, 512 ജിബി സ്റ്റോറേജ്, 50 എംപി പ്രൈമറി (OIS) 12 എംപി അള്‍ട്രാ-വൈഡ്, 10 എംപി ടെലിഫോട്ടോ (3x സൂം), 12 എംപി സെല്‍ഫി ക്യാമറ, 4000 എംഎച്ച് ബാറ്ററി, 50 മിനിറ്റ് കൊണ്ട് 50 ശതമാനം ചാര്‍ജിംഗ്, 25 വാട്സ് അഡാപ്റ്റര്‍, ആന്‍ഡ്രോയ്ഡ് 15 അടിസ്ഥാനത്തിലുള്ള വണ്‍ യുഐ 7, ഐപി68 എന്നിവയാണ് ഗ്യാലക്സി എസ്25ന്‍റെ പ്രത്യേകതകള്‍.