ഡിസ്നി കഥയിലെ രാജകുമാരിയെപ്പോലെ നിലത്തിഴയുന്ന മുടിയുമായി ഒരു യുവതി

തുറന്നിട്ട ജനാലയിലൂടെ നീണ്ട മുടിയും പുറത്തേക്കിട്ടിറങ്ങുന്ന റാപുൻസെലിന്‍റെ കഥ എല്ലാവർക്കും പരിചിതമായിരിക്കും. 'ടാങ്കിൾഡ്' എന്ന പേരിൽ റാപുന്‍സെലിന്‍റെ കഥ ഡിസ്നി ചിത്രമായും ഇറങ്ങിയിട്ടുണ്ട്.

നിലത്തിഴയുന്ന മുടിയാണ് റാപുൻസെലിന്‍റെ പ്രത്യേകത. കഥയിലും സിനിമയിലും മാത്രം കണ്ട് പരിചയിച്ചിട്ടുള്ള റാപുന്‍സെലിനെ അനുസ്മരിപ്പിക്കുകയാണ് ഉക്രെയിൻ സ്വദേശിനിയായ അലീന ക്രവ്ച്ചെങ്കോ എന്ന 35 കാരി. (Credit: Instagram)

ഡിസ്നി കഥയിലെ രാജകുമാരിയെപ്പോലെ നിലത്തിഴയുന്ന സ്വർണ്ണനിറത്തിലുള്ള മുടിയാണ് അലീനയുടെ പ്രത്യേകത. ആറടിയോളം നീളമുള്ള ഈ മുടി ഒറ്റനോട്ടത്തിൽ റാപുൻസെലിനെ അനുസ്മരിപ്പിക്കും. (Credit: Instagram)

മുടിയുടെ പരിപാലനത്തിൽ കഴിഞ്ഞ മുപ്പത് വർഷമായി ഒരു വിട്ടുവീഴ്ചയും വരുത്തിയിട്ടില്ലെന്നാണ് അലീന പറയുന്നത്. . (Credit: Instagram)

ആഴ്ചയിൽ ഒരിക്കൽ മാത്രമാണ് മുടി കഴുകുന്നത് എന്നാണ് അലീന പറയുന്നത്. മുപ്പത് മിനിറ്റോളം സമയം എടുത്താണ് ഈ കഴുകൽ. അതിനു ശേഷം സ്വാഭാവിക രീതിയിൽ തന്നെ ഉണങ്ങാനും അനുവദിക്കും.. (Credit: Instagram)

പെൺകുട്ടികൾക്ക് നീണ്ട മുടിയാണ് ഭംഗി എന്ന അമ്മയുടെ വാക്കുകൾ കേട്ട് അഞ്ച് വയസു മുതൽ തന്നെ മുടി വളർത്താൻ തുടങ്ങിയതാണ് അലീന . (Credit: Instagram)

മുടി ഭംഗിയായും ആരോഗ്യത്തോടെയും ഇരിക്കുന്നതിന് ഹെയർ മാസ്കുകള്‍ ഉപയോഗിക്കാറുണ്ട്. ഇടയ്ക്ക് ഹെയർ മസാജും ചെയ്യും.. (Credit: Instagram)

യഥാർഥ ജീവിതത്തിലെ 'റാപുൻസെൽ' അലീന ഇതിനോടകം തന്നെ സോഷ്യൽ മീഡിയയിൽ ശ്രദ്ധ നേടിയിട്ടുണ്ട്.. (Credit: Instagram)