ജനങ്ങളെ ഞെട്ടിച്ച് തായ്‌ലന്‍ഡ്‌ രാജാവ്: കിരീടധാരണത്തിന് മുന്നോടിയായി അംഗരക്ഷകയെ വിവാഹം ചെയ്തു

ഔദ്യോഗിക കിരീടധാരണത്തിന് ദിവസങ്ങൾ മാത്രം ബാക്കി നിൽക്കെ സ്വകാര്യ അംഗരക്ഷകയെ വിവാഹം ചെയ്ത് തായ്‌ലന്‍ഡ്‌ രാജാവ്

കഴിഞ്ഞ ദിവസമാണ് ജനങ്ങളെ അതിശയിപ്പിച്ചു കൊണ്ട് രാജാവിന്റെ വിവാഹവാര്‍ത്ത റോയൽ ഗസറ്റ് പുറത്തു വിട്ടത്. പിന്നാലെ തന്നെ വിവാഹ ചടങ്ങുകളുടെ ദൃശ്യങ്ങളും പുറത്ത് വന്നു

തന്റെ സ്വകാര്യ സുരക്ഷാ സേനയുടെ ഡെപ്യുട്ടി ഹെഡ് ആയ സുതിധ തിഡ്ജയിയെ ആണ് രാജാവായ വജിറലോങ്കോൺ വിവാഹം ചെയ്തത്. തായ് എയർവേയ്സിലെ മുൻ ഫ്ലൈറ്റ് അറ്റൻഡന്റ് ആയിരുന്നു സുതിധ

2014 മുതൽ തന്നെ സുരക്ഷ സേനയിൽ‌ അംഗമായ സുതിധയും രാജാവും തമ്മിലുള്ള ബന്ധത്തെക്കുറിച്ച് നേരത്തെ തന്നെ കഥകൾ പ്രചരിച്ചിരുന്നു. എന്നാൽ ഇത് സംബന്ധിച്ച് കൊട്ടരം ഒരിക്കലും പ്രതികരിച്ചിരുന്നില്ല

നേരത്തെ മൂന്ന് തവണ വിവാഹിതനായ വജിറലോങ്കോണിന് ഈ വിവാഹങ്ങളിൽ നിന്നായി ഏഴ് മക്കളാണുള്ളത്

കഴിഞ്ഞ ദിവസം കൊട്ടാരത്തിൽ നടന്ന വിവാഹ ചടങ്ങുകളിൽ രാജ്യത്തെ പ്രമുഖരും രാജകുടുംബാംഗങ്ങളും പങ്കെടുത്തു

66 കാരനായ വജിറലോങ്കോൺ തന്റെ പിതാവിന്റെ മരണത്തെ തുടർന്നാണ് ഔദ്യോഗിക സര്‍വാധികാരി ആയത്

ബുദ്ധ-ബ്രാഹ്മണ ചടങ്ങുകളോടെയാകും കിരീടധാരണം. ഇതിനു ശേഷം ബാങ്കോക്കിൽ രാജാവ് പങ്കെടുക്കുന്ന ഔദ്യോഗിക ഘോഷയാത്രാ ചടങ്ങുകളും ഉണ്ടാകും