TRENDING:

വിരാട് കോഹ്ലി ഗാംഗുലിയെ തുറിച്ചുനോക്കിയോ? കൈകൊടുക്കാതെ മാറിനടന്ന് ദാദ

Last Updated:
ഇന്ത്യൻ ക്രിക്കറ്റിലെ ഏറ്റവും മികച്ച ബാറ്റർമാരിൽ ഒരാളായ വിരാട് കോഹ്ലിയും ഗാംഗുലിയും തമ്മിലുള്ള ബന്ധം അത്ര നല്ലതല്ലെന്ന് കുറച്ചുകാലമായി റിപ്പോർട്ടുകളുണ്ടായിരുന്നു
advertisement
1/5
വിരാട് കോഹ്ലി ഗാംഗുലിയെ തുറിച്ചുനോക്കിയോ? കൈകൊടുക്കാതെ മാറിനടന്ന് ദാദ
ബംഗളൂരു: ഇന്ത്യൻ ക്രിക്കറ്റ് കണ്ട എക്കാലത്തെയും മികച്ച ക്യാപ്റ്റൻമാരിൽ ഒരാളാണ് സൗരവ് ഗാംഗുലി. നേതൃത്വമികവുകൊണ്ട് ഉറച്ച തീരുമാനങ്ങളിലൂടെയുമാണ് ഗാംഗുലി ശ്രദ്ധേയനായത്. യുവതാരങ്ങളെ പ്രോൽസാഹിപ്പിക്കുന്നതിലും വളർത്തിക്കൊണ്ടുവരുന്നതിനും ഗാംഗുലി ഏറെ ശ്രദ്ധ പുലർത്തിയിരുന്നു. ക്രിക്കറ്റിൽനിന്ന് വിമരിച്ചിട്ടും ഗാംഗുലിയുടെ നേതൃമികവാണ് പിൽക്കാലത്ത് അദ്ദേഹത്തെ ബിസിസിഐ അധ്യക്ഷപദവിയിലെത്തിച്ചത്.
advertisement
2/5
ഇന്ത്യൻ ക്രിക്കറ്റിലെ ഏറ്റവും മികച്ച ബാറ്റർമാരിൽ ഒരാളായ വിരാട് കോഹ്ലിയും ഗാംഗുലിയും തമ്മിലുള്ള ബന്ധം അത്ര നല്ലതല്ലെന്ന് കുറച്ചുകാലമായി റിപ്പോർട്ടുകളുണ്ടായിരുന്നു. കോഹ്ലി ക്യാപ്റ്റൻസി ഒഴിഞ്ഞത് അന്നത്തെ ബിസിസിഐ അധ്യക്ഷനായിരുന്ന ഗാംഗുലിയുമായുള്ള അഭിപ്രായവ്യത്യാസമാണെന്നും റിപ്പോർട്ടുകളുണ്ടായിരുന്നു.
advertisement
3/5
ഇരുവരും തമ്മിലുള്ള ബന്ധം അത്ര സുഖകരമല്ലെന്ന് വ്യക്തമാക്കുന്നതാണ് കഴിഞ്ഞ ദിവസത്തെ ഐപിഎൽ മൽസരത്തിനിടെ ഉണ്ടായ സംഭവം. ഐപിഎല്ലില്‍ കോഹ്‌ലി റോയല്‍ ചലഞ്ചേഴ്‌സ് ബാംഗ്ലൂരിന് വേണ്ടിയാണ് കളിക്കുന്നത്. ഗാംഗുലിയാകട്ടെ ഡല്‍ഹി ക്യാപിറ്റന്‍സിന്റെ ടീം ഡയറക്ടറുമാണ്. ഇന്നലെ ഇരു ടീമുകളും മുഖാമുഖം വന്നു. ഈ മത്സരത്തിനിടെ ഉണ്ടായ രണ്ടു സംഭവങ്ങളാണ് ഇപ്പോൾ സമൂഹമാധ്യമങ്ങളിൽ വൈറലാകുന്നത്.
advertisement
4/5
ഇതിൽ ആദ്യത്തേതിൽ വിരാട് കോഹ്ലി, മൈതാനത്ത് നിന്ന് ബെഞ്ചിൽ ഇരിക്കുകയായിരുന്ന ഗാംഗുലിയെ തുറിച്ചുനോക്കുന്നത് കാണാം. ഇതില്‍ ആദ്യ സംഭവം ഡല്‍ഹി ബാറ്റു ചെയ്യുമ്പോൾ 18ാം ഓവറിലായിരുന്നു. ലോങ് ഓണില്‍ ഫീല്‍ഡ് ചെയ്യുകയായിരുന്നു ഈ സമയത്ത് കോഹ്‌ലി. മുഹമ്മദ് സിറാജിന്റെ പന്തില്‍ അമാന്‍ ഹക്കിം ഖാനെ ഒരു ഉജ്ജ്വല ക്യാച്ചിലൂടെ പുറത്താക്കിയതിന് പിന്നാലെ ഡീപ്പിലെ തന്റെ പൊസിഷനിലേക്ക് തിരികെ നടക്കുമ്പോള്‍ ഡഗൗട്ടില്‍ ഇരിക്കുന്ന ഗാംഗുലിയെ വിരാട് കോഹ്ലി തുറിച്ചു നോക്കുന്നുണ്ട്. ഇതിന്റെ വീഡിയോയാണ് ആരാധകര്‍ പങ്കുവെയ്ക്കുന്നത്.
advertisement
5/5
എന്നാൽ ഇവരുടെ പിണക്കത്തിന്‍റെ വീഡിയോ തെളിവുകൾ അവിടെ തീരുന്നില്ല. മത്സര ശേഷം ഇരു ടീമുകളിലെയും കളിക്കാരും ഒഫീഷ്യൽസും ഹസ്താദനം ചെയ്യ്ത് മുന്നോട്ടു പോകുന്നതിനിടെ ഗാംഗുലി കോഹ്‌ലിക്ക് കൈ കൊടുക്കാതെ മാറി പോകുന്നതാണ് മറ്റൊരു വീഡിയോ. ഈ വീഡിയോയും ഇപ്പോൾ സമൂഹമാധ്യമങ്ങളിൽ വൈറലാണ്.
മലയാളം വാർത്തകൾ/Photogallery/Sports/
വിരാട് കോഹ്ലി ഗാംഗുലിയെ തുറിച്ചുനോക്കിയോ? കൈകൊടുക്കാതെ മാറിനടന്ന് ദാദ
ഏറ്റവും പുതിയ സ്പോർട്സ് വാർത്തകൾ, ലൈവ് സ്കോർ അപ്ഡേറ്റുകൾ, മത്സര ഫലങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Open in App
Home
Video
Impact Shorts
Web Stories