ധോണിയുടെ മകൾക്ക് മെസിയുടെ സ്നേഹസമ്മാനം; അർജന്റീന ടീമിന്റെ ജഴ്സി അയച്ചുനൽകി
- Published by:Anuraj GR
- news18-malayalam
Last Updated:
ഇൻസ്റ്റാഗ്രാമിൽ 1.9 ദശലക്ഷത്തിലധികം ഫോളോവേഴ്സ് സിവയ്ക്ക് ഉണ്ട്
advertisement
1/7

ഇന്ത്യൻ ക്രിക്കറ്റ് ടീമിന്റെ എക്കാലത്തെയു മികച്ച ക്യാപ്റ്റൻമാരിൽ ഒരാളാണ് മഹേന്ദ്ര സിങ് ധോണി. ക്രിക്കറ്റ് താരമാണെങ്കിലും ഫുട്ബോളിനെ ഏറെ ഇഷ്ടപ്പെടുന്നയാളായിരുന്നു ധോണി. ക്രിക്കറ്റ് പരിശീലനത്തിനിടെയുള്ള ഫുട്ബോൾ സൌഹൃദമത്സരങ്ങളിൽ ധോണി മികവ് തെളിയിച്ചിട്ടുണ്ട്. ഇപ്പോഴിതാ, ധോണിയുടെ ഫുട്ബോൾ ഭ്രമം പിന്തുടരുന്ന മകൾ സിവ ധോണിയ്ക്ക് ഏറെ അമ്പരപ്പിക്കുന്ന ഒരു സമ്മാനം ലഭിച്ചിരിക്കുന്നു. ഖത്തർ ലോകകപ്പിൽ കിരീടം നേടിയ അർജന്റീനയുടെ നായകൻ ലയണൽ മെസിയാണ് സിവയ്ക്ക് സമ്മാനം അയച്ചുനൽകിയത്.
advertisement
2/7
മെസി കൈയ്യൊപ്പിട്ട അർജന്റീന ടീമിന്റെ ജഴ്സിയാണ് സിവയ്ക്ക് ലഭിച്ചത്. സിവയും ധോണിയുടെ ഭാര്യ സാക്ഷിയും ചൊവ്വാഴ്ച മെസി നൽകിയ ജേഴ്സി ധരിച്ച ഫോട്ടോകൾ സോഷ്യൽ മീഡിയയിൽ പങ്കുവെച്ചു
advertisement
3/7
"സിവയ്ക്ക്" എന്ന് എഴുതിക്കൊണ്ടാണ് മെസി ജഴ്സിയിൽ ഒപ്പിട്ടുനൽകിയത്. “അച്ഛനെപ്പോലെ, മകളെപ്പോലെ,” എന്ന അടികുറിപ്പോടെയാണ് സിവ ഇൻസ്റ്റാഗ്രാമിൽ മെസി സമ്മാനിച്ച ജഴ്സി ധരിച്ചുനിൽക്കുന്ന ഫോട്ടോ പങ്കുവെച്ചത്. ഇൻസ്റ്റാഗ്രാമിൽ 1.9 ദശലക്ഷത്തിലധികം ഫോളോവേഴ്സ് സിവയ്ക്ക് ഉണ്ട്. സിവയുടെ ഇൻസ്റ്റാഗ്രാം അക്കൗണ്ട് മാനേജ് ചെയ്യുന്നത് ധോണിയും സാക്ഷിയും ചേർന്നാണ്.
advertisement
4/7
സാക്ഷി സിംഗ് ധോണിയും തന്റെ മെസി ഒപ്പിട്ട് അയച്ചുനൽകിയ ജേഴ്സി ധരിച്ച് നിൽക്കുന്ന മകളുടെ ചിത്രം പങ്കുവെച്ചു. ടെന്നീസ് താരം സാനിയ മിർസ ഉൾപ്പെടെ 2.5 ലക്ഷം പേരാണ് ഫോട്ടോ ‘ലൈക്ക്’ ചെയ്തത്.
advertisement
5/7
ധോണിയുടെയും സാക്ഷിയുടെയും വിവാഹം കഴിഞ്ഞഅ ഏകദേശം അഞ്ച് വർഷത്തിന് ശേഷം 2015 ഫെബ്രുവരിയിലാണ് സിവ ജനിച്ചത്.
advertisement
6/7
ഈ മാസമാദ്യം, ദോഹയിൽ നടന്ന ഫിഫ ലോകകപ്പ് 2022 ഫൈനലിൽ ലയണൽ മെസ്സിയുടെ നേതൃത്വത്തിൽ അർജന്റീന കിരീടം നേടി. ലോകകപ്പ് ചരിത്രത്തിലെതന്നെ ഏറ്റവും ത്രസിപ്പിച്ച ഫൈനലിൽ അർജന്റീന പെനാൽറ്റി ഷൂട്ടൌട്ടിൽ 4-2 ന് ഫ്രാൻസിനെ തോൽപിച്ചാണ് കിരീടം സ്വന്തമാക്കിയത്.
advertisement
7/7
35 കാരനായ മെസ്സി ഫൈനലിൽ രണ്ട് ഗോളുകൾ നേടി, ഫ്രാൻസിന്റെ കൈലിയൻ എംബാപ്പെ 1966-ൽ ഇംഗ്ലണ്ടിന്റെ ജിയോഫ് ഹർസ്റ്റിന് ശേഷം ലോകകപ്പ് ഫൈനൽ ഹാട്രിക്ക് നേടിയ ആദ്യ കളിക്കാരനായി, അധിക സമയത്തിന് ശേഷം സ്കോർ 3-3 ന് അവസാനിച്ചതോടെയാണ് മത്സരം അധികസമയത്തേക്ക് നീണ്ടത്.
മലയാളം വാർത്തകൾ/Photogallery/Sports/
ധോണിയുടെ മകൾക്ക് മെസിയുടെ സ്നേഹസമ്മാനം; അർജന്റീന ടീമിന്റെ ജഴ്സി അയച്ചുനൽകി