ഭർത്താവിന്റെ പരസ്ത്രീബന്ധം നിർത്താൻ‌ 58കാരിക്ക് ചെറുപ്പക്കാരിയാകാൻ കൊച്ചുമകന്റെ ട്യൂഷൻ ഫീസെടുത്ത് ഏഴരലക്ഷത്തിന്റെ സർജറി

ഭര്‍ത്താവ് തന്നെ വഞ്ചിച്ച് മറ്റു സ്ത്രീകളെ തേടി പോകുന്നത് തനിക്ക് സൗന്ദര്യം കുറഞ്ഞതിനാലാണെന്നായിരുന്നു സിയുവിന്‍റെ ധാരണ. ഇതോടെ ഇവര്‍ കോസ്മെറ്റിക് സര്‍ജനെ സമീപിച്ചു. മുഖത്തെ ചുളിവുകളാണ് പ്രായം തോന്നിപ്പിക്കുന്നതെന്നും ചുളിവുകള്‍ ദൗര്‍ഭാഗ്യം കൊണ്ടുവരുമെന്നും സര്‍ജന്‍ സിയുവിനെ വിശ്വസിപ്പിച്ചു. സിയുവിന്‍റെ കണ്ണിന് താഴെയുള്ള കാക്കപ്പുള്ളികൾ ഭര്‍ത്താവ് മറ്റു സ്ത്രീകളെ തേടി പോകുന്നതിനാലാണെന്നും സർജൻ വിശ്വസിപ്പിച്ചു. പുരികങ്ങൾക്കിടയിലെ ചുളിവുകൾ ഇല്ലാതാകുന്നതോടെ എല്ലാ പ്രശ്നങ്ങൾക്കും പരിഹാരമാകുമെന്നും സർജൻ നിർദേശിച്ചു. ഇതോടെയാണ് കൊച്ചുമകന്റെ ഫീസായി മാറ്റി വച്ചിരുന്ന പണവും സിയു ആശുപത്രിയില്‍ അടച്ചത്.

"സത്യം പറഞ്ഞാൽ, സിയുവിന് ലഭിച്ച നടപടിക്രമങ്ങൾ ഫലപ്രദമായില്ലെന്ന് ഞാൻ കരുതുന്നു" എന്ന് ഒരാൾ സോഷ്യൽ മീഡിയയിൽ കുറിച്ചു. സിയുവിന്റെ മുഖത്ത് ഇപ്പോഴും ചുളിവുകൾ ഉണ്ടെന്ന് മറ്റു ചിലർ അഭിപ്രായപ്പെട്ടു. "പല പ്ലാസ്റ്റിക് സർജറി ക്ലിനിക്കുകളും ചൈനീസ് ജനതയുടെ അന്ധവിശ്വാസങ്ങൾ ഉപയോഗിച്ച് അവരെ കബളിപ്പിക്കുന്നത് തുടരുകയാണ്''- വേറൊരാൾ അഭിപ്രായപ്പെട്ടു.