ലോകകപ്പ് മത്സരങ്ങളുടെ മുഴുവൻ വിവരങ്ങളും ഉൾപ്പെടുത്തി ബുക്ക്‌ലെറ്റ്; മംഗലാപുരം സ്വദേശിയുടെ വ്യത്യസ്ത ക്രിക്കറ്റ് ആരാധന

നവംബർ 19ന് നടക്കുന്ന ക്രിക്കറ്റ് ലോകകപ്പിന്റെ ഫൈനൽ മത്സരത്തിനായി ലോകമെമ്പാടുമുള്ള ആരാധകർ പ്രതീക്ഷയോടെ കാത്തിരിക്കുകയാണ്. ഇതിനിടെ ക്രിക്കറ്റിനോടുള്ള ആരാധകരുടെ വികാരങ്ങൾ പല രീതിയിലും പ്രകടമാകാറുണ്ട്. പല ആരാധകരുടെ കലാസൃഷ്ടികളും ഈ വേളയിൽ വാർത്തകൾ ഇടം പിടിക്കുന്നത് പതിവാണ്. ഇപ്പോൾ ക്രിക്കറ്റിനോടുള്ള തന്റെ കടുത്ത ആരാധന വ്യത്യസ്ത രീതിയിൽ അവതരിപ്പിച്ചുകൊണ്ട് ശ്രദ്ധ നേടുകയാണ് ഈ മംഗലാപുരം സ്വദേശി. കർണാടകയിലെ ദക്ഷിണ കന്നഡ ജില്ലയായ മംഗലാപുരത്തിന്റെ (മംഗളൂരു) വടക്കൻ ഭാഗത്ത് സ്ഥിതിചെയ്യുന്ന ഒരു ചെറിയ പട്ടണമാണ് ബൈക്കാംപടി. ഇവിടെയാണ് ഗണേഷ് മെൻഡൻ എന്ന ഈ ലോകകപ്പ് ആരാധകനുള്ളത്.