മൂർഖന്‍റെ ഹൃദയവും പാമ്പിൻരക്തവും കൊണ്ടുള്ള പാനീയം; ലൈംഗികശേഷി കൂട്ടുമെന്ന് വിയറ്റനാംകാരുടെ വിശ്വാസം!

അവിടുത്തെ റെസ്റ്റോറന്‍റിൽ എത്തിയാൽ ലഭിക്കുന്ന സവിശേഷമായ ചില വിഭവങ്ങളുണ്ട്. പാമ്പിൻ രക്തം കൊണ്ടുള്ള പാനീയവും മൂർഖൻ പാമ്പിന്‍റെ ഹൃദയവും അരിയിൽനിർമ്മിച്ച വൈനും ചേർന്നുള്ള നാടൻ മദ്യമാണ് അവിടുത്തെ സ്പെഷ്യൽ ഐറ്റം.

1993-ൽ ഗോർഡൻ റാംസെ എന്ന സ്റ്റാർ ഷെഫ് തന്റെ പ്രശസ്തമായ 'ഗോർഡന്റെ ഗ്രേറ്റ് എസ്‌കേപ്പ്' എന്ന ടിവി പരമ്പരയിൽ വിയറ്റ്നാമിലെ ഒരു റെസ്റ്റോറന്റിൽ പാമ്പിൻ രക്തവും ഹൃദയവും വീഞ്ഞും ചേർത്ത് തയ്യാറാക്കുന്ന സവിശേഷമായ പാനീയത്തെക്കുറിച്ച് വിവരിക്കുന്നു. ഇതുകണ്ട് പ്രേക്ഷകർ സ്തംബ്ധരായി. ഏഴു വർഷത്തിനുശേഷം, 2000-ൽ പുറത്തിറങ്ങിയ 'ദി ബീച്ച്' എന്ന സിനിമയിൽ, അപരിചിതർ വാഗ്ദാനം ചെയ്ത പാമ്പിന്റെ രക്തം ലിയനാർഡോ ഡികാപ്രിയോ കുടിക്കുന്ന രംഗമുണ്ട്.

വിയറ്റ്നാമീസ് റെസ്റ്റോറന്റിൽ പാമ്പിന്‍റെ രക്തവും ഹൃദയവും ഉപയോഗിച്ചുള്ള വിഭവത്തോടെ എല്ലാം കഴിഞ്ഞെന്ന് കരുതരുത്, കാരണം വിലകൂടിയ പാമ്പിന്റെ ഒരു ഭാഗവും പാഴായിപ്പോകാൻ അവർ ആഗ്രഹിക്കുന്നില്ല.

അരി വൈനിൽ കലർത്തിയ പാമ്പിന്റെ പിത്തമാണ് അവർ നൽകുന്ന മറ്റൊരു പാനീയം. പാമ്പിൻ വിഷം പോലും ആവശ്യപ്പെട്ടു വരുന്നവരുണ്ട് അവിടെ. കാരണം ഇത് ഇൻട്രാവെൻസായി(മുറിവിലൂടെ രക്തത്തിൽ കലരുമ്പോൾ) മാത്രമേ അപകടകരമാകൂ. നിങ്ങളുടെ വായിലൂടെ പാമ്പിൻ വിഷം കഴിക്കുന്നത് അപകടകരമല്ലെന്ന് അവിടുത്തുകാർ പറയുന്നു.

പാമ്പ് വിയറ്റ്നാമീസ് പരമ്പരാഗത ഭക്ഷണത്തിന്റെ ഭാഗമാണോ എന്നതാണ് പ്രധാന ചോദ്യം. അത്രമാത്രം. ഭൂരിഭാഗം സ്വദേശികളും ജീവിതത്തിൽ ഒരിക്കലും പാമ്പിനെ ആസ്വദിച്ചിട്ടില്ല. പക്ഷേ, പാമ്പ് വിഭവങ്ങൾ ഇഷ്ടപ്പെടുന്ന ചൈന പോലെയുള്ള അയൽരാജ്യങ്ങളിലെ വിനോദസഞ്ചാരികളെ ആകർഷിക്കാനാണ് വ്യത്യസ്തതരം ഭക്ഷണങ്ങളുമായി വിയറ്റ്നാം റെസ്റ്റോറന്‍റുകൾ കാത്തിരിക്കുന്നത്.