'സമാന്തര ഉ​ദ്ഘാടനയുദ്ധം'; ആരോഗ്യമന്ത്രി നിർവഹിക്കേണ്ടിയിരുന്ന ഉദ്ഘാടനം BJP പ്രവർത്തകർ നടത്തി

കേന്ദ്ര ഗവണ്മെന്റിന്റെ 2,17,40,000 രൂപ ചിലവഴിച്ചാണ് അത്യാധുനിക സൗകര്യങ്ങളുള്ള വെക്ടർ യൂണിറ്റ് നിർമിച്ചത്. എന്നാൽ, പദ്ധതി പൂർണ്ണമായും കേന്ദ്ര ഫണ്ട് ഉപയോഗിച്ചുള്ളതാണെങ്കിലും ഉദ്ഘാടന ചടങ്ങിലേക്ക് കേന്ദ്ര മന്ത്രിമാരെ ആരെയും ക്ഷണിച്ചില്ലെന്ന് ബിജെപി ആരോപിക്കുന്നു. ഇതിലുള്ള പ്രതിഷേധം രേഖപ്പെടുത്താനാണ് ഔദ്യോഗിക ചടങ്ങിന് ഒരു ദിവസം മുൻപേ ബിജെപി പ്രവർത്തകർ സമാന്തര ഉദ്ഘാടനവുമായി രംഗത്തെത്തിയത്.

ബിജെപി സിറ്റി ജില്ലാ അദ്ധ്യക്ഷൻ കെ.പി. പ്രകാശ് ബാബുവാണ് ഹെൽത്ത് ലാബിന്റെ സമാന്തര ഉദ്ഘാടനം നിർവഹിച്ചത്. പൂർണ്ണമായും കേന്ദ്ര വിഹിതം ഉപയോഗിച്ച് നിർമിച്ച കേന്ദ്രത്തോട് കാണിക്കുന്ന അവഗണന അംഗീകരിക്കാനാവില്ലെന്ന് അദ്ദേഹം പറഞ്ഞു. സമാന്തര ഉദ്ഘാടനങ്ങൾ നടത്തുന്നത് മന്ത്രി മുഹമ്മദ് റിയാസിന്റെ മാത്രം കുത്തകയല്ലെന്നും പ്രകാശ് ബാബു പറഞ്ഞു.