'ഒരു നാണയം പോലും വാങ്ങാതെയാണ് എന്റെ രാഷ്ട്രീയ പ്രവേശനം': ലക്ഷ്മിപ്രിയ

രാഷ്ട്രീയ വ്യത്യാസത്തിന്റെ പേരിലും മതത്തിന്റെ അന്തരത്തിന്റെ പേരിലും ചില പ്രത്യേക മതസ്ഥർ തന്നെ വേട്ടയാടുന്നുവെന്ന് അവർ ഫെയ്സ്ബുക്കിലൂടെ വ്യക്തമാക്കി. വാർത്താസമ്മേളനത്തിൽ താൻ പറഞ്ഞകാര്യങ്ങൾ മാദ്ധ്യമങ്ങൾ വളച്ചോടിച്ചതിനെ കുറിച്ചും ലക്ഷ്മി പ്രിയ വിശദീകരിച്ചു. ട്വന്റി ട്വന്റി എൻഡിഎ ഘടകകക്ഷി ആയതുകൊണ്ടും അവർ മുന്നോട്ടു വയ്ക്കുന്ന ആശയങ്ങൾ ഈ നാടിന് ഗുണമുള്ളത് കൊണ്ടും തന്നെയാണ് താൻ എൻഡിഎയിലേക്ക് വന്നതെന്ന് അവർ കുറിപ്പിൽ പറഞ്ഞു.

തനിക്കെതിരെ ആക്രമണം നടത്താനാണ് ഉദ്ദേശമെങ്കിൽ അവർക്കെതിരെ നിയമനടപടി സ്വീകരിക്കുമെന്ന് അവർ പറഞ്ഞു. പെരുമ്പാവൂരിലെ എൻഡിഎ സ്ഥാനാർത്ഥിക്ക് വേണ്ടി പ്രവർ‍ത്തിച്ചുതുടങ്ങുമെന്നും ലക്ഷ്മിപ്രിയ വ്യക്തമാക്കി.