തള്ള് അൽപം കുറയ്ക്കാമോ? 3 ലക്ഷം അല്ല! പ്രതിപക്ഷ നേതാവിന്റെ ഷൂസിന്റെ വില 9529 രൂപ

ഗുജറാത്തിലെ അഹമ്മദാബാദിൽ നടക്കുന്ന എഐസിസി സമ്മേളനത്തിൽ പങ്കെടുക്കാനെത്തിയ പ്രതിപക്ഷ നേതാവ് വി ഡി സതീശൻ മൂന്ന് ലക്ഷം രൂപയുടെ ഷൂസാണ് ധരിച്ചതെന്നായിരുന്നു സോഷ്യൽ‌ മീഡിയയിലെ പ്രചാരണം.‍ 'ക്ലൗഡ്ടില്‍റ്റി'ന്റെ വിലയേറിയ ഷൂസാണ് സതീശന്‍ ധരിച്ചതെന്നാണ് സോഷ്യല്‍ മീഡിയയില്‍ ചിലര്‍ കണ്ടെത്തിയിരിക്കുന്നത്. 3 ലക്ഷം രൂപയുടെ പ്രൈസ് ടാഗ് അടക്കമുള്ള ചിത്രങ്ങളാണ് പ്രചരിച്ചത്. എന്നാൽ‌, ഇപ്പോൾ ഈ ഷൂസിന്റെ യഥാർത്ഥ വില പുറത്തുവന്നിരിക്കുകയാണ്. 9,529 രൂപയുടെ 'ഓൺ റണ്ണിംഗ് ക്ലൗഡ്ടില്‍റ്റ് ബ്ലാക്ക് ഐവറി' ഷൂസാണ് സതീശൻ ധരിച്ചത്.