'മതപരമായ ആവശ്യങ്ങൾക്ക് മാത്രം': യുഎസിൽ 'ചാണക കേക്ക്' വിൽപ്പനയ്ക്ക്
Last Updated:
കേക്ക് കഴിക്കാനുള്ളതല്ല എന്ന് പ്രത്യേകം രേഖപ്പെടുത്തിയിട്ടുണ്ട്
സോഷ്യൽ മീഡിയയിൽ വൈറലായി യുഎസിലെ 'ചാണക കേക്ക്'. ഒരു മാധ്യമ പ്രവർത്തകന്റെ ട്വിറ്റർ പോസ്റ്റിലാണ് അമേരിക്കയിലെ ഒരു കടയിൽ വിൽപ്പനയ്ക്കായി വച്ചിരിക്കുന്ന ചാണക കേക്കിന്റെ ചിത്രങ്ങൾ പുറത്തു വിട്ടിരിക്കുന്നത്. ശവദാഹത്തിനുമായി മറ്റുമായി ഇന്ത്യയിൽ ഉപയോഗിക്കുന്ന ചാണക വരളിയാണ് സംഭവം. മതപരമായ ആവശ്യങ്ങൾക്ക് മാത്രം എന്ന് കവറിൽ എഴുതിയിരിക്കുന്ന ചാണക കേക്ക് കഴിക്കാനുള്ളതല്ല എന്ന് പ്രത്യേകം രേഖപ്പെടുത്തിയിട്ടുണ്ട്. ഏകേദശം 215 രൂപയാണ് പത്ത് എണ്ണം അടങ്ങിയ ഒരു പാക്കറ്റിന്റെ വില.
ട്വീറ്റ് പുറത്ത് വന്ന് മണിക്കൂറുകൾക്കകം തന്നെ വൈറലായി. ' ഇത് ഇന്ത്യൻ പശുക്കളുടെ ചാണകം ഇറക്കുമതി ചെയ്തതാണോ അതോ വിദേശ പശുക്കളുടെ തന്നെയോ എന്നതാണ് ഒരാളുടെ സംശയം.. 'ഇന്ത്യൻ പശുക്കളുടെ ചാണകത്തിൽ നിന്ന് തന്നെയാണ് ഇത് ഉണ്ടാക്കിയെന്നതിന് ഉറപ്പില്ലെ'ന്നാണ് മറ്റൊരാളുടെ പ്രതികരണം.. 'ആരെങ്കിലും ഇത് കഴിക്കാൻ ആഗ്രഹിക്കുന്നുണ്ടെങ്കിൽ അതിന് അനുവദിക്കണമെന്ന് മറ്റൊരാളും അഭിപ്രായപ്പെട്ടിട്ടുണ്ട്.
advertisement
ഏതായാലും യുഎസിലെ ചാണകകേക്കിനെ സോഷ്യൽ മീഡിയ ഏറ്റെടുത്ത് കഴിഞ്ഞിരിക്കുകയാണ്.
നിങ്ങളുടെ പ്രിയപ്പെട്ട സെലിബ്രിറ്റികളുടെ ഏറ്റവും ട്രെൻഡിങ് ന്യൂസ് വൈറൽ വീഡിയോ രസകരമായ വിശേഷങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
November 20, 2019 7:58 AM IST
