ഇറാനിലുള്ള ഇന്ത്യക്കാർ അർമേനിയയിലേക്കും അസർബൈജാനിലേക്കും; എല്ലാവരും സുരക്ഷിതരെന്ന് വിദേശകാര്യ മന്ത്രാലയം

550 ഇന്ത്യൻ പൗരന്മാർ കര അതിർത്തിയിലുടെ അർമേനിയയിലേക്കും 90 ഇന്ത്യക്കാർ അസർബൈജാനിലേക്ക് കടന്നിട്ടുണ്ടെന്നും വിദേശകാര്യ മന്ത്രാലയ വക്താവ് രൺധീർ ജയ്‌സ്വാൾ വ്യക്തമാക്കി. തീർത്ഥാടനത്തിനായി ഇറാനിലേക്ക് പോയ 284 ഇന്ത്യക്കാരിൽ കുറച്ചുപേർ തിരികെ എത്തിയിട്ടുണ്ട്. മറ്റുള്ളവരെ വരും ദിവസങ്ങൾക്കുള്ളിൽ തിരികെയെത്തിക്കും.

​ടെഹ്റാനിലുള്ള ഇന്ത്യൻ വിദ്യാർത്ഥികളെ സുരക്ഷിതമായ സ്ഥലങ്ങളിലേക്ക് മാറ്റിയിട്ടുണ്ട്. ടെഹ്‌റാനിലെ ഇന്ത്യൻ എംബസി പൂർണമായും പ്രവർത്തനക്ഷമമാണെന്നും സഹായം ഏകോപിപ്പിക്കുന്നുണ്ടെന്നും മന്ത്രാലയം അറിയിച്ചു.

യുദ്ധമേഖലകളിൽ അകപ്പെട്ട ഇന്ത്യൻ പൗരന്മാരെ സഹായിക്കുന്നതിനായി ഹെൽപ് ലൈനുകൾ പ്രവർത്തിക്കുന്നുണ്ടെന്ന് വിദേശകാര്യ മന്ത്രാലയം അറിയിച്ചു. പ്രദേശത്ത് കുടുങ്ങികിടക്കുന്നവരുമായി നിരന്തരം ബന്ധപ്പെടു ന്നുണ്ടെന്നും രൺധീർ ജയ്‌സ്വാൾ പറഞ്ഞു.