സ്റ്റേജ് ഷോയ്ക്കിടെ എ.ആർ. റഹ്മാനോടൊപ്പം ആരാധകർക്ക് സർപ്രൈസ് ഒരുക്കി ധനുഷ്; വീഡിയോ വൈറൽ

എ ആർ റഹ്മാൻ മുംബൈയിൽ അവതരിപ്പിച്ച സംഗീത പരിപാടിയിൽ സർപ്രൈസായി എത്തി നടൻ ധനുഷ്. ഡിവൈ പാട്ടീൽ സ്റ്റേഡിയത്തിലാണ് സം​ഗീത പരിപാടി നടന്നിരുന്നത്. റഹ്മാനെ പ്രശംസിച്ച് സംസാരിച്ച നടൻ അദ്ദേഹത്തിന്റെ ​ഗാനങ്ങളെ അവിശ്വസനീയം എന്ന് വിശേഷിപ്പിച്ചു. തുടർന്ന് ഇരുവരും ചേർന്ന് ധനുഷ് സംവിധാനം ചെയ്ത രായൻ എന്ന ചിത്രത്തിലെ അടങ്കാത അസുരൻ എന്ന ​ഗാനവും ആലപിച്ചു. സംഭവത്തിന്റെ ദൃശ്യങ്ങൾ ഇപ്പോൾ സോഷ്യൽ മീഡിയയിൽ വൈറലാണ്. ഇരുവരുടേയും പ്രകടനത്തെ ഉച്ചത്തിലുള്ള ആർപ്പുവിളികളോടും കൈയടികളോടും കൂടിയാണ് ആസ്വാദകർ സ്വീകരിച്ചത്.