‘കണ്ണൂര്‍ സ്ക്വാഡിനു നന്ദി; അച്ഛന്റെ കണ്ണുകളിൽ നഷ്ടപെട്ട ആ തെളിച്ചം ഒന്നൂടി കാണാൻ പറ്റിയതിന്'; ഹൃദയഹാരിയായ കുറിപ്പ്

‘കണ്ണൂർ സ്ക്വാഡിൻ’ നന്ദി പറഞ്ഞുള്ള ഹൃദയഹാരിയായ കുറിപ്പാണ് സമൂഹ മാധ്യമങ്ങളിൽ ചർച്ചയായിരിക്കുന്നത്. ഡോക്ടർ സൗമ്യ സരിനാണ് ഫേസ്ബുക്കിൽ ചിത്രത്തിനു നന്ദിയറിയിച്ച് പോസ്റ്റ് പങ്കുവച്ചത്. മുൻ പൊലീസുകാരൻ കൂടിയായ അച്ഛനൊപ്പം തിയേറ്ററിൽ പോയി സിനിമ കണ്ട അനുഭവവും അതിനു ശേഷം അച്ഛനും വന്ന മാറ്റങ്ങളുമാണ് സൗമ്യ പോസ്റ്റിലൂടെ പറയാൻ ശ്രമിക്കുന്നത്. തന്‍റെ അച്ഛന്റെ മുഖത്തു കുറച്ചു നേരത്തേക്കെങ്കിലും ആ പഴയ ചിരിയും ആത്മവിശ്വാസവും ഒരു പൊടിക്ക് അഹങ്കാരവും കൊണ്ട് വരാൻ ചിത്രത്തിനു സാധിച്ചുവെന്ന് സൗമ്യ പറഞ്ഞു. തന്റെ അച്ഛൻ സാധ കോൺസ്റ്റബിൾ ആയിരുന്നുവെന്നും ക്രൈം ബ്രാഞ്ചിൽ നിന്ന് എസ് ഐ ആയാണ് വിരമിച്ചതെന്നും സൗമ്യ പറയുന്നു. എന്നാൽ അമ്മ മരിച്ചതിന് ശേഷം എന്തും നേരിടാനുള്ള ചങ്കൂറ്റം ഉണ്ടായിരുന്ന തന്റെ അച്ഛനെ നഷ്ടപ്പെടുകയായിരുന്നുവെന്നും സൗമ്യ പറ‍ഞ്ഞു.