Mammootty | മമ്മൂട്ടിയുടെ പുതിയ ലുക്ക് കണ്ടോ; ഏതാ പുതിയ പടമെന്ന് തിരക്കി ആരാധകര്‍

സോഷ്യല്‍ മീഡിയയില്‍ തരംഗമായ മലയാളത്തിന്‍റെ സ്വന്തം മമ്മൂട്ടിയുടെ പുതിയ ലുക്ക്. കണ്ണൂര്‍ സ്ക്വാഡിന്‍റെ പ്രമോഷന്‍ പരിപാടികളുമായി ബന്ധപ്പെട്ട് ദുബായില്‍ ആയിരുന്ന താരം കേരളത്തിലേക്ക് മടങ്ങിയെത്തിയപ്പോഴാണ് മമ്മൂട്ടിയുടെ ലുക്കിലെ മാറ്റം ആരാധകര്‍ ശ്രദ്ധിച്ചത്.

എയര്‍പോര്‍ട്ടില്‍ ഭാര്യ സുല്‍ഫത്തിനൊപ്പം വന്നിറങ്ങുന്ന മമ്മൂക്ക മുടിവെട്ടിയൊതുക്കി ഒരു പുതിയ ലുക്കിലാണ് പ്രത്യക്ഷപ്പെട്ടത്. 

എന്നാല്‍ മമ്മൂട്ടിയുടെ പുതിയ ലുക്ക് ഏത് സിനിമയ്ക്ക് വേണ്ടിയാണെന്നായിരുന്നു ആരാധകരുടെ സംശയം. 

മധുരരാജയ്ക്ക് ശേഷം വൈശാഖും മമ്മൂട്ടിയും ഒന്നിക്കുന്ന സിനിമയ്ക്ക് വേണ്ടിയാണ് മമ്മൂക്കയുടെ ഈ പുതിയ മേക്കോവര്‍ എന്നാണ് റിപ്പോര്‍ട്ട്. 

മിഥുന്‍ മാനുവല്‍ തോമസ് തിരക്കഥ ഒരുക്കുന്ന സിനിമയില്‍ ഒരു അച്ചായന്‍ കഥാപാത്രത്തെയാകും മമ്മൂട്ടി അവതരിപ്പിക്കുക.

അടിപിടി ജോസ് എന്നാണ് സിനിമയുടെ പേര് എന്ന് റിപ്പോര്‍ട്ടുകളുണ്ടായിരുന്നെങ്കിലും മമ്മൂട്ടി ഇത് നിഷേധിച്ചിരുന്നു.

സിനിമയുടെ ഔദ്യോഗിക പ്രഖ്യാപനം ഉടന്‍ ഉണ്ടാകുമെന്നാണ് ആരാധകരുടെ പ്രതീക്ഷ. രാഹുല്‍സദാശിവന്‍ സംവിധാനം ചെയ്യുന്ന ഭ്രമയുഗം സിനിമയിലെ തന്‍റെ ഭാഗങ്ങള്‍ മമ്മൂട്ടി പൂര്‍ത്തിയാക്കിയിരുന്നു.