കാമുകിയുമായുള്ള വഴക്കിനിടെ പറയുന്ന കാര്യങ്ങൾ കുറിച്ച് വെക്കുന്ന കാമുകൻ; എന്നാൽ ഈ ബന്ധമൊന്ന് അവസാനിപ്പിച്ചൂടെ?

കാമുകിയുമായുള്ള വഴക്കിനിടെ താൻ പറയുന്ന കാര്യങ്ങൾ വളച്ചൊടിക്കാതിരിക്കാനും ശരിയായ മറുപടികളാണ് പറയുന്നതെന്ന് ഉറപ്പ് വരുത്താനും തർക്കത്തിനിടയിലെ സംഭാഷണങ്ങൾ കുറിച്ച് വയ്ക്കാറുണ്ടെന്ന് യുവാവ്. റെഡ്ഡിറ്റിൽ പങ്കുവെച്ച ഒരു പോസ്റ്റിലാണ് ഇക്കാര്യം അദ്ദേഹം വ്യക്തമാക്കിയത്. എന്നാൽ വഴക്കിനിടെ ഇങ്ങനെ കുറിപ്പുകൾ എഴുതുന്നത് തന്റെ കാമുകിയ്ക്ക് ഇഷ്ടമല്ലെന്നും യുവാവ് പറയുന്നു. എന്നാൽ താൻ കുറിപ്പുകൾ എഴുതുന്നത് തുടരും എന്ന് പറഞ്ഞപ്പോൾ സുഹൃത്ത് തന്നോട് മിണ്ടാതെയായെന്നും, രണ്ട് ദിവസത്തോളം പരസ്പരം സംസാരിക്കാതെയിരുന്നുവെന്നും യുവാവ് പോസ്റ്റിൽ കുറിച്ചു.