'ഭാരമുള്ള സാധനങ്ങൾ ഓർഡർ ചെയ്യരുത്;ചുമന്ന് മടുത്തു'; വീഡിയോ പങ്കുവച്ച ജീവനക്കാരനെ ആമസോൺ പുറത്താക്കി

ടിക് ടോക്കിൽ വീഡിയോ പങ്കുവെച്ചതിന് പിന്നാലെ ജോലിയിൽ നിന്ന് ആമസോൺ പിരിച്ചുവിട്ടതായി ജീവനക്കാരൻ. ആമസോണിൽ നിന്ന് ഭാരം ഉള്ള സാധനങ്ങൾ ഓർഡർ ചെയ്യുന്നത് നിർത്താൻ ഉപഭോക്താക്കളോട് ആവശ്യപ്പെട്ടു കൊണ്ടുള്ള വീഡിയോ ടിക് ടോക്കിൽ പങ്കുവച്ചതിന് പിന്നാലെയാണ് കെൻഡാൽ എന്ന ജീവനക്കാരനെ പിരിച്ചുവിട്ടത്. കഴിഞ്ഞ മാസമാണ് ഈ വീഡിയോ ഇയാൾ പങ്കുവെച്ചത്. തുടർന്ന് സംഭവം വിവാദമായതോടെ തന്നെ ജോലിയിൽ നിന്ന് കമ്പനി പിരിച്ചുവിട്ടു എന്ന് ജീവനക്കാരൻ തന്നെ സാമൂഹ്യ മാധ്യമങ്ങളിലൂടെ അറിയിക്കുകയായിരുന്നു. ഏഴു വർഷത്തോളം ആമസോണിൽ ജോലി ചെയ്ത ആൾ കൂടിയാണ് ഇദ്ദേഹം.