അമിതമായ മയക്കുമരുന്ന് ഉപയോഗത്തിന് ജയിൽവാസം; 62ാം വയസിൽ ബിരുദധാരി; ആരെയും വിസ്മയിപ്പിക്കും ഈ മാറ്റം

ലോങ് ബീച്ചിലെ കാലിഫോർണിയ സ്റ്റേറ്റ് യൂണിവേഴ്സിറ്റിയിൽ നിന്ന് സോഷ്യോളജിയിൽ ബിരുദം നേടുമ്പോൾ ജോസഫ് വാൽഡെസിന് പ്രായം 62. അദ്ദേഹത്തിന്റെ ഫേസ്ബുക്ക് പോസ്റ്റ് സഹിതം കോളേജിന്റെ മൈക്രോ ബ്ലോഗ്ഗിങ് സൈറ്റിൽ ആ അവിശ്വസനീയ ജീവിതം പ്രസിദ്ധീകരിച്ചു വന്നിട്ടുണ്ട്. കാലിഫോർണിയയിലെ ഫൗണ്ടെയ്ൻ വാലിക്കാരനായ ജോസഫ് ദുശ്ശീലത്തിന്റെ ഫലമായി തന്റെ ജീവിതത്തിന്റെ നല്ലൊരു പങ്കും ചെലവിട്ടത് അഴികൾക്കുള്ളിലാണ്.

Also Read- Gold Price Today| സ്വർണവില വീണ്ടും കുറഞ്ഞു; ഇന്നത്തെ നിരക്കുകൾ അറിയാം

അദ്ദേഹത്തിന്റെ നേട്ടങ്ങൾ സമൂഹം കൽപ്പിച്ച് കൊടുത്തിട്ടുള്ള വാർപ്പുമാതൃകകൾ തകർക്കാൻ സഹായിച്ചതായി യൂണിവേഴ്സിറ്റിയിലെ കോളേജ് ഓഫ് ലിബറൽ ആർട്ട് സാക്ഷ്യപ്പെടുത്തുന്നു. മുൻപ് തടവിൽ കഴിഞ്ഞവരെ പറ്റിയുള്ള സമൂഹത്തിന്റെ മുൻധാരണകളെയും മോശം ചിന്തകളെയും തകർത്തെറിയാൻ അദ്ദേഹത്തിന്റെ ഈ ചരിത്ര വിജയം സഹായിച്ചെന്നും അവർ പറയുന്നു.

Also Read- മുട്ട-തക്കാളി സാലഡ്: ശരീര ഭാരം കുറയ്ക്കാൻ നിങ്ങൾ തേടിക്കൊണ്ടിരിക്കുന്ന വിഭവം ഇതാണ്

ട്വിറ്ററിൽ വിവിധ ആളുകൾ അദ്ദേഹത്തിന്റെ യാത്ര പ്രചോദനകരമാണെന്ന് ട്വീറ്റ് ചെയ്യുന്നു.

തന്റെ അമ്മയ്ക്ക് ഇന്ന് തന്നെ ഒന്ന് കാണാൻ കഴിഞ്ഞിരുന്നു എങ്കിൽ എന്ന് മാത്രമാണ് തന്റെ ആഗ്രഹമെന്ന് അദ്ദേഹം എബിസി 7 നോട് പറഞ്ഞു. ഡ്രഗ് അഡിക്ടായ, ക്രിമിനലായ, തടവുകാരനായ തന്റെ മകനെ കണ്ടുകൊണ്ടാണ് അവർ ലോകത്തോട് വിടപറഞ്ഞത്. ദുശ്ശീലം വലഡെസിനെ കയറിക്കിടക്കാൻ ഒരിടം പോലും ഇല്ലാത്തവനാക്കി മാറ്റിയിരുന്നു. അയാളുടെ വികൃതമായ ഭൂതകാലത്തിന് ശേഷം വലഡെസ് സാമൂഹ്യശാസ്ത്രത്തെ തന്നെ തന്റെ പ്രധാന വിഷയമായി തെരഞ്ഞെടുത്ത് ബിരുദം നേടി. ബിരുദധാരിയാക്കിയ അതേ കോളജിൽ നിന്ന് ബിരുദാനന്തര ബിരുദം ആരംഭിക്കാനും അതിനുള്ള അംഗീകാരത്തിനുമായുമുള്ള കാത്തിരിപ്പിലാണ് ഈ ഹീറോ ഇപ്പോൾ.