ആട് കുഴിയിൽ വീണു; രക്ഷിക്കാൻ തലകീഴായി കുഴിയിലേക്ക്; പിന്നെ സംഭവിച്ചത്; Viral Video പങ്കുവെച്ച് അസം ADGP

അസമിലാണ് സംഭവം. നാട്ടിലെ ആഴമുള്ള ഇടുങ്ങിയ കുഴിയിൽ ആട് വീണു. ആടിനെ രക്ഷിക്കാൻ കൂടി നിന്നവരിൽ ഒരാൾ കുഴിയിലേക്ക് തലകീഴായി ഇറങ്ങി. ഇയാളുടെ കാലുകൾ രണ്ടും കൂടെയുള്ളവർ പിടിച്ചരിക്കുകയായിരുന്നു. ഏറ്റവും അപകടമേറിയ രക്ഷാപ്രവർത്തനം. എങ്കിലും മിനുട്ടുകൾക്കുള്ളിൽ ആടിനേയുമായി യുവാവ് പുറത്തേക്ക് വന്നു.

അൽപ്പം നെഞ്ചിടിപ്പോടെയല്ലാതെ വീഡിയോ കണ്ട് തീർക്കാനാകില്ല. ഒന്ന് അങ്ങോട്ടോ ഇങ്ങോട്ടോ ആയാൽ കയ്യിൽ നിന്ന് പോകാം. പക്ഷേ, അകത്തേക്ക് പോയ ആൾ ആടുമായിട്ട് തിരിച്ചു കയറുന്ന കാഴ്ച്ച ആശ്വാസകരമാണ്.

ഇതിനകം ഒരു ലക്ഷത്തിന് മുകളിൽ പേരാണ് വീഡിയോ കണ്ടത്. രക്ഷാപ്രവർത്തനം നടത്തിയ യുവാക്കളെ അഭിനന്ദിച്ചുകൊണ്ടുള്ള നിരവധി കമന്റുകളുമുണ്ട്.

ഇത്തരം കുഴികളിൽ കുടുങ്ങി നിരവധി പേർ ദാരുണമായി മരിച്ച സംഭവങ്ങൾ ഉണ്ടെന്നിരിക്കേ മുന്നൊരുക്കങ്ങളില്ലാത്താ ഇത്തരം രക്ഷാപ്രവർത്തനത്തെ പ്രോത്സാഹിപ്പിക്കാനാകില്ലെന്നും ചിലർ കമന്റിൽ പറയുന്നുണ്ട്.