കടൽക്കരയിൽ ഗർഭിണിയായ ഭാര്യയുടെ ചിത്രമെടുത്തു; ഫോട്ടോയില്‍ പതിഞ്ഞ ചിത്രം കണ്ട് അമ്പരന്ന് ദമ്പതികൾ

ഫോട്ടോയെല്ലാം എടുത്തതിന് ശേഷം കടലിൽ അൽപനേരം കുളിച്ച് വെയിൽ കാഞ്ഞ് ഭക്ഷണവും കഴിച്ച് മടങ്ങാനായിരുന്നു പദ്ധതി. ഭാര്യയെ ഫോട്ടോ എടുക്കാനായി നിർത്തിയതിന് ശേഷം ക്യാമറ ക്ലിക്ക് ചെയ്തപ്പോൾ ആ കാഴ്ച്ച ഡെവ് കണ്ടിരുന്നില്ല. കടലിൽ നിന്നൊരു ശബ്ദം ഇരുവരും കേട്ടിരുന്നു എന്ന് മാത്രം. ഫോട്ടോയ്ക്ക് പോസ് ചെയ്യുന്നതിനാൽ ആഞ്ജലീനയും തിരിഞ്ഞു നോക്കിയില്ല.

ചിത്രങ്ങളെല്ലാമെടുത്ത് കഴിഞ്ഞതിന് ശേഷം എടുത്ത ഫോട്ടോകൾ നോക്കുമ്പോഴാണ് കടലിൽ നിന്ന് കേട്ട ശബ്ദത്തിന്റെ ഉടമയെ ഡെവും ആഞ്ജലീനയും തിരിച്ചറിയുന്നത്. ജീവിതകാലം മുഴുവൻ ഓർത്ത് വെക്കാവുന്ന സുന്ദരനിമിഷമാണ് തങ്ങൾ പകർത്തിയതെന്ന് ഇരുവരും തിരിച്ചറിയുകയായിരുന്നു.