നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • buzz
    • »
    • Guinness Record | വെറും 7 സെക്കൻഡുകൾ കൊണ്ട് 10 മാസ്ക്കുകൾ ധരിച്ച് ഗിന്നസ് ബുക്കിൽ ഇടം നേടി യുവാവ്

    Guinness Record | വെറും 7 സെക്കൻഡുകൾ കൊണ്ട് 10 മാസ്ക്കുകൾ ധരിച്ച് ഗിന്നസ് ബുക്കിൽ ഇടം നേടി യുവാവ്

    മാസ്ക് കൃത്യമായി ധരിക്കാൻ മിക്ക ആളുകൾക്കും അറിയില്ല. അവ മുഖത്ത് ഉറച്ചിരിക്കുന്ന രീതിയിൽ വേണം ധരിക്കാൻ. എന്നാൽ ജോർജ്ജ് പീൽ വളരെ അനായാസമാണ് ഓരോ മാസ്ക്കുകളും മുഖത്ത് കൃത്യമായി അണിയുന്നത്.

    • Share this:
      ലോകം മുഴുവൻ കോവിഡ് വ്യാപിച്ചത് വളരെ പെട്ടന്നായിരുന്നു. ഈ സമയം ആളുകൾ ഏറ്റവും കൂടുതൽ ഉപയോഗിച്ചുള്ള രണ്ട് വസ്തുക്കൾ മാസ്ക്കും സാനിറ്റൈസറുമാണ്. കോവിഡ്-19 പടരുന്നതിന് മുൻപ് മാസ്ക്കുകൾ അധികമാരും ഉപയോഗിച്ചിരുന്നില്ല. എന്നാൽ ഇപ്പോൾ മാസ്ക് എല്ലാവരുടെയും നിത്യ ജീവിതത്തിന്റെ ഭാഗമായി മാറി. ഡ്രെസ്സിനു ചേരുന്ന മാസ്ക്കുകളും വില കൂടിയ മാസ്ക്കുകളും എന്തിന് സ്വർണ മാസ്ക്കുകൾ വരെ ആളുകൾ പിന്നീട് ഉപയോഗിക്കാൻ തുടങ്ങി. ആദ്യം ഒരു മാസ്‌ക്ക് ധരിക്കാനായിരുന്നു നിർദ്ദേശമെങ്കിൽ പിന്നീട് ഡബിൾ മാസ്‌ക്ക് നിർബന്ധമാക്കി . ഇപ്പോഴിതാ കുറഞ്ഞ സമയത്തിനുള്ളിൽ ഏറ്റവും കൂടുതൽ മാസ്ക്കുകൾ ധരിച്ച് റെക്കോർഡ് സ്വന്തമായിരിക്കുകയാണ് ഒരു യുവാവ്. വെറും 10 സെക്കൻഡിനുള്ളിൽ ഏറ്റവും കൂടുതൽ മാസ്ക്കുകൾ ധരിച്ചാണ് ഇയാൾ ലോക റെക്കോർഡ് സ്വന്തമാക്കിയത്.

      ജോർജ്ജ് പീൽ എന്ന വ്യക്തിയാണ് വെറും 7.35 സെക്കൻഡിനുള്ളിൽ 10 മാസ്ക്കുകൾ ധരിച്ച് ഗിന്നസ് ബുക്ക് ഓഫ് വേൾഡ് റെക്കോർഡ്സിൽ ഇടം നേടിയിരിക്കുന്നത്. ഗിന്നസ് ബുക്ക് ഓഫ് വേൾഡ് റെക്കോർഡ്സിന്റെ ഔദ്യോഗിക ഇൻസ്റ്റാഗ്രാം പേജിലാണ് കുറഞ്ഞ സമയത്തിനുള്ളിൽ ജോർജ്ജ് പീൽ മാസ്ക് ധരിക്കുന്ന വീഡിയോ പോസ്റ്റ് ചെയ്തിരിക്കുന്നത്. വളരെ പെട്ടെന്ന് മാസ്‌ക്കുകൾ ധരിച്ച് എല്ലാവരെയും അത്ഭുതപ്പെടുത്തിയിരിക്കുകയാണ് ജോർജ്ജ് പീൽ.

      വീഡിയോയിൽ, പീൽ ഒന്നിനു പിറകെ ഒന്നായി 10 മാസ്ക്കുകൾ ധരിക്കുന്നത് കാണാം. വളരെ വേഗത്തിൽ മാസ്ക്കുകൾ ധരിച്ചാണ് പീൽ റെക്കോർഡ് കരസ്ഥമാക്കിയിരിക്കുന്നത്. മാസ്ക് കൃത്യമായി ധരിക്കാൻ മിക്ക ആളുകൾക്കും അറിയില്ല. അവ മുഖത്ത് ഉറച്ചിരിക്കുന്ന രീതിയിൽ വേണം ധരിക്കാൻ. എന്നാൽ ജോർജ്ജ് പീൽ വളരെ അനായാസമാണ് ഓരോ മാസ്ക്കുകളും മുഖത്ത് കൃത്യമായി അണിയുന്നത്. അതുകൊണ്ട് തന്നെ മാസ്‌ക്കുകൾ അണിയാൻ മടി കാണിക്കുന്നവർക്ക് ഒരു പാഠം കൂടിയാണ് ജോർജ്ജ് പീലിന്റെ ഈ റെക്കോർഡ്.

      ജോർജ്ജ് മാസ്ക്കുകൾ ധരിക്കുന്ന ഈ വീഡിയോയ്ക്ക് ഇതുവരെ 3.3 ലക്ഷത്തിലധികം ലൈക്കുകളാണ് ലഭിച്ചിരിക്കുന്നത്. ഈ നേട്ടം കൈവരിച്ചതിന് പീലിനെ തേടി ലോകമെമ്പാടുമുള്ള ജനങ്ങളുടെ അഭിനന്ദനങ്ങളും എത്തി. "10 സർജിക്കൽ മാസ്കുകൾ ധരിക്കാൻ വേണ്ട ഏറ്റവും വേഗതയേറിയ സമയം" എന്നാണ് വീഡിയോ പോസ്റ്റ് ചെയ്തപ്പോൾ ഇൻസ്റ്റാഗ്രാമിൽ കുറിച്ചിരിക്കുന്നത്. വീഡിയോ നിരവധി പേർ ഏറ്റെടുക്കുകയും ഷെയർ ചെയ്യുകയും ചെയ്തു. ആകർഷകമായ കമന്റുകളാണ് ആളുകൾ വീഡിയോയ്ക്ക് താഴെ കുറിച്ചിരിക്കുന്നത്.



      കോവിഡ് 19 പൂർണ്ണമായും ലോകത്തു നിന്ന് പോകുന്നത് വരെ എല്ലാവരും മാസ്ക് നിർബന്ധമായും ധരിക്കണം. മാസ്ക്കും സാനിറ്റൈസറും ഉപയോഗിച്ചും ഇടയ്ക്കിടെ കൈകഴുകിയും സാമൂഹ്യ അകലം പാലിച്ചുമൊക്കെ മാത്രമേ നമുക്ക് കോവിഡിനെ അകറ്റി നിർത്താൻ സാധിക്കൂ. അതിനാൽ രോഗികളുടെ എണ്ണം കുറയ്ക്കുന്നതിനും കോറോണയെ മറികടക്കാനും ഇവ നിർബന്ധമായും പാലിക്കണം. എന്നാൽ ശരിയായി മാസ്ക് ധരിക്കാത്തവരാണ് ഭൂരിഭാഗം ആളുകളും. എന്നാൽ ജോർജ്ജ് പീൽ ചുരുങ്ങിയ സമയത്തിനുള്ളിൽ 10 മാസ്‌ക്കാണ് കൃത്യമായി ധരിച്ചിരിക്കുന്നത്.
      Published by:Naveen
      First published:
      )}