AR Rahman: എ.ആര്.റഹ്മാനെ നെഞ്ചുവേദനയെ തുടർന്ന് ആശുപത്രിയിൽ പ്രവേശിപ്പിച്ചു
- Published by:Sarika N
- news18-malayalam
Last Updated:
ദേഹാസ്വാസ്ഥ്യത്തെതുടര്ന്ന് ഇന്നു രാവിലെ ഏഴു മണിയോടെയാണ് റഹ്മാനെ ആശുപത്രിയിൽ എത്തിച്ചത്
ചെന്നൈ: സംഗീത സംവിധായകൻ എ.ആര്.റഹ്മാനെ (AR Rahman) നെഞ്ചുവേദനയെ തുടർന്ന് ചെന്നൈ അപ്പോളോ ആശുപത്രിയിൽ പ്രവേശിപ്പിച്ചു. ദേഹാസ്വാസ്ഥ്യത്തെതുടര്ന്ന് ഇന്നു രാവിലെ ഏഴു മണിയോടെയാണ് റഹ്മാനെ ആശുപത്രിയിൽ എത്തിച്ചത്. ആരോഗ്യസ്ഥിതി സംബന്ധിച്ച കൂടുതൽ വിവരങ്ങള് ലഭ്യമായിട്ടില്ല. ഇസിജി, എക്കോകാര്ഡിയോഗ്രാം, ആന്ജിയോഗ്രാം അടക്കമുള്ള പരിശോധനകള് നടത്തിയതായി പുറത്തുവരുന്ന റിപ്പോർട്ടുകൾ സൂചിപ്പിക്കുന്നു. ഡോക്ടർമാരുടെ സംഘം പരിശോധിക്കുകയാണെന്നും എ.ആര്. റഹ്മാന്റെ ആരോഗ്യനില തൃപ്തികരമാണെന്നും ആശുപത്രി വൃത്തങ്ങള് അറിയിച്ചു. നിർജലീകരണം കാരണമാണ് എ ആർ റഹ്മാന് ദേഹാസ്വാസ്ഥ്യം ഉണ്ടായതെന്നാണ് ഡോക്ടർമാർ അറിയിക്കുന്നത്.
ലണ്ടനിലായിരുന്ന എആര് റഹ്മാൻ കഴിഞ്ഞ ദിവസമാണ് ചെന്നൈയിൽ തിരിച്ചെത്തിയത്. എആര് റഹ്മാന്റെ ആരോഗ്യസ്ഥിതിയിൽ നിലവിൽ ആശങ്കവേണ്ടെന്നാണ് ലഭ്യമാകുന്ന വിവരം.
Summary: Music composer A.R. Rahman has been admitted to a private hospital on Greams Road, Chennai, due to sudden chest pain .He is undergoing tests, including an ECG, and may need an angiogram.
Click here to add News18 as your preferred news source on Google. നിങ്ങളുടെ പ്രിയപ്പെട്ട സെലിബ്രിറ്റികളുടെ ഏറ്റവും ട്രെൻഡിങ് ന്യൂസ് വൈറൽ വീഡിയോ രസകരമായ വിശേഷങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
Chennai [Madras],Chennai,Tamil Nadu
First Published :
Mar 16, 2025 11:09 AM IST
മലയാളം വാർത്തകൾ/ വാർത്ത/Buzz/
AR Rahman: എ.ആര്.റഹ്മാനെ നെഞ്ചുവേദനയെ തുടർന്ന് ആശുപത്രിയിൽ പ്രവേശിപ്പിച്ചു
